U Maryupali z pačatku vajny znojdziena nie mienš za 10 tysiač novych mahił
Nie mienš za 10 300 novych mahił, jakija źjavilisia ŭ Maryupali z pačatku rasijskaj ahresii, vyjavili žurnalisty Associated Press. U svaim rasśledavańni jany vykarystoŭvali spadarožnikavyja zdymki, sotni videa, źniatych jak ź bieśpiłotnikaŭ, tak i ź ziamli, a taksama intervju z 30 maryupalcami, 13 ź jakich zastajucca ŭ horadzie.
Praŭdzivaść praviedzienaha analizu paćvierdzili AP try vopytnyja sudovyja archieołahi.
Na niekatorych mahiłach ustanoŭleny draŭlanyja kryžy ź imionami i datami, ale bolšaść adznačana tolki šyldami ź imionami i datami.
U niekatorych nasypaŭ niekalki tabličak, a značyć, u kožnaj mahile moža być pachavana niekalki cieł, adznačaje ahienctva. Akramia taho, la Maryupala jość jak minimum try tranšejnyja pachavańni, adno ź jakich stvaryli sami ŭkraincy ŭ pačatku abłohi horada.
U rasparadžeńni AP jość videa, na jakich rasijskija vajskoŭcy kapajuć doŭhija tranšei z dapamohaj śpiectechniki, a potym zasypajuć ich ziamloj.
Pry hetym žurnalisty, abapirajučysia na śviedčańni vidavočcaŭ, miarkujuć, što tysiačy ciełaŭ zabitych u vyniku bajavych dziejańniaŭ u Maryupali navat nie patrapili na mohiłki.
Kamientary