Rasijski prezident Uładzimir Pucin u čaćvier, 22 śniežnia, upieršyniu nazvaŭ uvarvańnie va Ukrainu vajnoj zamiest «śpiecyjalnaj vajennaj apieracyi». Zrabiŭ jon heta na sustrečy z pułam kramloŭskim žurnalistaŭ, jakaja faktyčna zamianiła admienienyja tradycyjnyja vialikuju pres-kanfierencyju i pasłańnie parłamientu.
«Naša meta — nie raskručvać hety machavik vajennaha kanfliktu, a, naadvarot, skončyć hetu vajnu, my da hetaha imkniomsia i budziem imknucca», — zajaviŭ Pucin, dadaŭšy, što, čym chutčej heta adbudziecca, tym lepš.
Rasija, sa słoŭ rasijskaha kiraŭnika, jaki ŭ lutym raźviazaŭ vajnu, nikoli nie admaŭlałasia ad pieramovaŭ z Ukrainaj, u adroźnieńnie, maŭlaŭ, ad uładaŭ u Kijevie, jakija «zabaranili sabie» ŭstupać dyjałoh z Rasijaj.
Varta adznačyć, što dla prostych hramadzian Rasii słova «vajna» ŭ dačynieńni taho, što ŭžo 10 miesiacaŭ adbyvajecca va Ukrainie, faktyčna zabaroniena. «Kišennyja» sudy rehularna štrafujuć rasijan za jaho ŭžyvańnie pa artykule ab «dyskredytacyi» armii.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary
https://nashaniva.com/306056