U Vykankamie SND u Minsku adbyłosia pasiadžeńnie Rabočaj hrupy pa padrychtoŭcy i praviadzieńni II Hulniaŭ krain SND. Jany majuć prajści z 4 pa 14 žniŭnia 2023 hoda ŭ 11 haradach Biełarusi, piša Tribuna.com.
Namieśnik staršyni vykankama SND Biekietžan Žumachanaŭ prakamientavaŭ paradak praviadzieńnia spabornictvaŭ.
«Praviadzieńnie hulniaŭ zapłanavana z 4 pa 14 žniŭnia ŭ 11 haradach Biełarusi pa 20 vidach sportu. Chaču adznačyć, što sioleta orhany Sadružnaści na ŭsich uzroŭniach nadali asobnuju ŭvahu pytańniam padrychtoŭki II hulniaŭ krain SND», — skazaŭ Žumachanaŭ.
Taksama čynoŭnik dadaŭ, što razhladajucca mahčymaści zaprašeńnia krain, jakija nie jość siabrami SND: «Ciapier prapracoŭvajucca pytańni pa ŭdziele ŭ asobnych vidach sportu delehacyj z Manholii, Kitaja, Kuby, Irana, Amana i Saudaŭskaj Aravii».
Kali hetyja hulni sapraŭdy adbuducca, to jany buduć vidavočna skarystanyja Łukašenkam dla taho, kab zrabić dobruju minu pry kiepskaj hulni: pakazać, što nijakaj izalacyi ŭ Biełarusi niama i jana moža nie tolki vystupać u mižnarodnych spabornictvach, ale i prymać ich. Miž tym prava prymać udzieł u sapraŭdnaj Alimpijadzie Biełaruś razam z Rasijaj pazbaŭlenaja, i pierśpiektyvy adnaŭleńnia hetaha ŭdziełu pry zachavańni ciapierašniaha režymu i dačynieńnia da vajny suprać Ukrainy — ćmianyja.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?5
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary