Čamu niekatoryja ludzi pieražyvajuć pachmielle ciažej, čym inšyja. Hienietyka znajšła adkaz

Chtości moža pačuvacca horš, chtości lepš, a chtości (kali pašancuje) moža naohuł nie viedać, što takoje pachmielle. Isnuje daśledavańnie, zhodna ź jakim kala 5 % ludziej pachmiella nie adčuvajuć.

Dyk čamu tak adbyvajecca? Inverse raskazaŭ, što daśledčyki pačali vyvučać bijałahičnyja i psichałahičnyja miechanizmy, jakija mohuć upłyvać na naš dośvied padčas pachmiella.

Bijałohija pachmiella

Daśledavańni pakazvajuć, što ludzi z varyjacyjaj hiena ALDH2 zvyčajna pieražyvajuć pachmielle ciažej.

Kali my ŭžyvajem ałkahol, jon rasščaplajecca pry dapamozie śpiecyjalnaha fiermientu da acetaldehidu — chimičnaha złučeńnia, važnaha dla źjaŭleńnia simptomaŭ pachmiella. Adnak varyjant hiena ALDH2 abmiažoŭvaje rasščapleńnie acetaldehidu, što pryvodzić da bolšaha nazapašvańnia chimičnaha złučeńnia — i takim čynam da macniejšych simptomaŭ pachmiella.

Uzrost i poł taksama mohuć upłyvać na toje, jak pieražyvajecca pachmielle. Niadaŭniaje anłajn-apytańnie 761 niderłandca pakazała, što z hadami ludzi pačynajuć lahčej pieranosić pachmielle.

Aŭtary taksama paviedamili pra adroźnieńni ŭ ciažkaści pachmiella ŭ mužčyn i žančyn. Hetyja pałavyja adroźnieńni asabliva vyjaŭnyja ŭ maładych ludziej, pryčym maładyja mužčyny (ad 18 da 25 hadoŭ), jak praviła, pieražyvajuć pachmielle ciažej, čym žančyny. Adnak pakul navukoŭcy nie vyśvietlili, čamu.

Psichałohija pachmiella

Peŭnyja psichałahičnyja faktary mohuć być źviazanyja z tym, jak pieražyvajecca pachmielle, — u tym liku heta tryvoha, depresija, uzrovień stresu. Kožny z hetych stanaŭ źviazany z «niehatyŭnym uchiłam» — tendencyjaj da bolš niehatyŭnaj interpretacyi śvietu. Vyniki pakazvajuć, što pachmielle prymušaje ludziej niehatyŭna ŭsprymać śviet.

Heta nie dziŭna, uličvajučy fakt, što

ałkahol źjaŭlajecca surjoznym depresantam.

Takim čynam, pachmielle moža pahoršyć ahulny niehatyŭny ŭchił, u vyniku čaho niekatoryja ludzi adčuvajuć siabie horš, čym inšyja.

Jak dać rady

Isnuje paniaćcie katastrafizacyi bolu — maštabu, u jakim čałaviek vyznačaje svoj asabisty niehatyŭny dośvied bolu.

Daśledavańni pakazvajuć, što ludzi z vysokim uzroŭniem katastrafizacyi bolu horš usprymajuć i svajo pachmielle. Jany zasiarodžvajucca na svaich niehatyŭnych simptomach i, mahčyma, uzmacniajuć ich. Hetak ža inšyja daśledavańni pakazali, što ludzi, jakija schilnyja ihnaravać ci admaŭlać prablemy, jak praviła, nie tak mocna adčuvajuć i simptomy pachmiella.

Daśledavańnie taksama pakazvaje, što stratehija «pakutavać razam», supieražyvać i dapamahać adzin druhomu, palahčaje emacyjnyja nastupstvy pachmiella. 

Ale, viadoma, najlepšy sposab paźbiehnuć pachmiella — vypivać roŭna stolki, kolki vam kamfortna, nie pierabirać z ałkaholem.

• 10
• 0
• 3
• 2
• 2
• 3
• 6
• 0