Pa stanie na 17 kastryčnika pierapis prajšli 53% žycharoŭ Biełarusi.
Pavodle źviestak Nacyjanalnaha statystyčnaha kamiteta, bolš za ŭsio nasielnictva — 56% — pierapisana ŭ Mahiloŭskaj vobłaści, mienš za ŭsio — 49% — u Minskaj. U Homielskaj vobłaści pierapis prajšli 54% žycharoŭ, u Viciebskaj, Hrodzienskaj abłaściach i Minsku — 53%.
Pierapisu nasielnictva, jaki pravodzicca ŭ Biełarusi z 14 pa 24 kastryčnika, padlahajuć biełaruskija i zamiežnyja hramadzianie, jakija pastajanna žyvuć u krainie, asoby biez hramadzianstva, jakija znachodziacca na terytoryi Biełarusi, a taksama hramadzianie, jakija pastajanna žyvuć u krainie, ale časova adsutničajuć u suviazi z vyjezdam za miažu ŭ kamandziroŭku, na pracu, na vučobu terminam da adnaho hoda, zamiežnyja hramadzianie, jakija prybyli ŭ Biełaruś na pracu i vučobu terminam na adzin hod i bolš.
U krainie stvorana 648 pierapisnych, 6.326 instruktarskich i 31.846 padlikovych učastkaŭ. Zadziejničana kala 48 tys. časovaha pierapisnoha piersanału, u tym liku 38 tys. pierapisčykaŭ.
Na ŭsie pytańni nakont pierapisu adkazvaje haračaja linija Biełstata — 8-801-100-30-30.
Ciapier čytajuć
Połk Kalinoŭskaha paviedamiŭ pra hibiel troch bajcoŭ3
Kamientary