Hienštab USU pra situacyju ŭ Saladary: U rajonie horada iduć abstreły
U ranišniaj zvodcy Hienieralnaha štaba Uzbrojenych sił Ukrainy amal ničoha nie paviedamlajecca pra situacyju ŭ Saladary, dzie, pa danych žurnalistaŭ, iduć žorstkija bai. Miarkujučy pa źviestkach ź miesca padziej, rasijskija farmiravańni ŭvajšli ŭ centr horada, adnak pad poŭny kantrol jaho pakul nie ŭziali.
Ukrainskija vajskoŭcy tolki zhadvajuć Saladar u liku nasielenych punktaŭ na Bachmuckim napramku, u rajonie jakich praciahvajucca abstreły z boku armii RF.
Akramia taho, hienštab USU śćviardžaje, što amal 1,5 tysiačy supracoŭnikaŭ akupavanaj Zaparožskaj atamnaj elektrastancyi, jakija admovilisia atrymlivać rasijskija pašparty i padpisvać damovu z «Rasatamam», pazbaŭlenyja propuskaŭ i dostupu na AES.
«Zachopniki šukajuć novych supracoŭnikaŭ dla AES na terytoryi Rasijskaj Fiederacyi i rychtujuć žyllovy fond dla budučych supracoŭnikaŭ šlacham tak zvanaj «nacyjanalizacyi» kvater miascovych žycharoŭ, jakija źjechali», — skazana ŭ zvodcy.
Kamientary