Pravaabaroncy: Śviedkam pa «spravie «Viasny» sud sam rassyłaŭ šabłony zajaŭ ab niajaŭcy
Pa «spravie «Viasny» padčas śledstva było dapytana kala 100 śviedak, ale na sud vyklikali tolki niekalki čałaviek. Navat kali hetyja ludzi žyvuć u Biełarusi i hatovyja źjavicca, arhanizatary suda niedvuchsensoŭna dali zrazumieć, što ich prysutnaść niepažadanaja, piša «Viasna».
Na sud vyklikali ŭrešcie tolki niekalki čałaviek: hałoŭnych redaktaraŭ «Narodnaj voli» i «Svabodnyja naviny plus», supracoŭnikaŭ mytnaj słužby, niekalkich pravaabaroncaŭ z rehijonaŭ. Taksama začytali pakazańni, dadzienyja padčas śledstva, jašče niekalkich pravaabaroncaŭ i hałoŭnaj redaktarki «Novaha Času», a taksama dźviuch zasakrečanych śviedak sa źmienienymi proźviščami.
Astatnija śviedki ŭ sud nie źjavilisia. Na pracesie zajavili, što jany dasłali zajavy ab razhladzie bieź ich prysutnaści. U asnoŭnym spasyłalisia na adsutnaść srodkaŭ, kab pryjechać, na najaŭnaść niepaŭnaletnich dziaciej, na stan zdaroŭja. Ale advakaty pravaabaroncaŭ vystupili suprać začytvańnia pakazańniaŭ, bo zajaŭlenyja pryčyny nie źjaŭlajucca takimi, što vyklučajuć mahčymaść ich prysutnaści.
Abaroncy viasnoŭcaŭ zaŭvažyli, što zajavy napisanyja jak pad kapirku, i dziŭna, što va ŭsich niama hrošaj, choć usie jany ŭ Biełarusi. Taksama i dakumientaŭ, jakija paćviardžajuć drennaje samaadčuvańnie, śviedki nie padali.
Advakatka zaŭvažyła, što heta pazbaŭlaje abvinavačanych prava na abaronu, bo ŭ ich niama mahčymaści zadać dadatkovyja pytańni. Jašče adna advakatka zaŭvažyła, što śviedak na sud možna dastavić i prymusova.
Ale, niahledziačy na piarečańni advakataŭ, sud pryznaŭ pryčyny niajaŭki śviedak uvažlivymi i vyrašyŭ začytać ich pakazańni, dadzienyja padčas śledstva.
Paźniej vyśvietliłasia, što kapirki pry składańni zajaŭ sapraŭdy byli. Pravaabaroncam pieradali błank zajavy adkazu na niajaŭku, jakija sud rassyłaŭ śviedkam. Zhodna z padrychtavanaj zajavaj, śviedka prasiŭ słuchać kryminalnuju spravu bieź jaho, bo jon «padtrymlivaje pakazańni, jakija davaŭ padčas śledstva».
Heta śviedčyć pra toje, što sud pieršapačatkova nie byŭ zacikaŭleny ŭ dopycie śviedak pa «spravie «Viasny». I zroblena heta dla taho, kab pravaabaroncy i ich abaroncy nie mahli zadać udakładniajučyja pytańni, kab nie vyjavilisia supiarečnaści ŭ pakazańniach.
17 studzienia sud praciahvaje daśledavać piśmovyja materyjały spravy. Z 283 tamoŭ za paru dzion užo vyvučyli amal 40 tamoŭ. Sudovy praces prachodzić u chutkim režymie.
Čytajcie taksama:
U bresckim ofisie «Viasny» stajała špijonskaja videakamiera. Što viadoma z čarhovaha pasiadžeńnia pa spravie arhanizacyi
Pakazańni zasakrečanych śviedak i dopyt mytnikaŭ: prajšli čaćviortaje i piataje pasiadžeńni pa «spravie Viasny»
Treci dzień suda pa «spravie «Viasny»: pravaabaroncy znoŭ prosiać źniać ź ich kajdanki
Kaśpiarovič, Karpovič… Chto takaja prapahandystka Alena Krasoŭskaja, jakaja śviedčyła suprać viasnoŭcaŭ
Prapahandystka Krasoŭskaja — śviedka abvinavačvańnia suprać viasnoŭcaŭ pad źmienienym proźviščam? A pryjšła na sud pad svaim
Pačaŭsia sud nad «Viasnoj»: pieršyja za paŭtara hoda FOTA i VIDEA Bialackaha i kaleh. Jany patrabujuć, kab sud išoŭ pa-biełarusku
-
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda
-
Ankołah Karanik vystupiŭ z dakładam ab zachavańni bujnoj rahataj žyvioły
-
Maładuju minskuju jurystku, jakaja ciapier zajmajecca dyzajnam interjeraŭ, asudzili za ŭdzieł u pratestach
Kamientary