Eks-kiraŭnik Dziaržaŭnaha departamienta ZŠA Hienry Kisindžer, jaki z 2014 hoda ličyŭ niejtralny status Ukrainy adzinym razumnym vychadam z kanfliktu, admoviŭsia ad hetaha punktu hledžańnia. Na forumie ŭ Davosie jon pryznaŭ, što ciapier Kijeŭ zasłužyŭ siabroŭstva ŭ aljansie.
Były dziaržsakratar ZŠA Hienry Kisindžer u svaim vystupie na forumie ŭ Davosie pryznaŭ, što bolš nie padtrymlivaje ideju ab niejtralnym statusie Ukrainy. Pa jaho słovach, paśla pačatku kanfliktu Ukraina zasłužyła prava stać častkaj NATA. Tranślacyju jaho vystupu viała The Guardian.
«Da hetaj vajny ja byŭ suprać siabroŭstva Ukrainy ŭ NATA, bo bajaŭsia, što pačniecca mienavita toj praces, jaki my nazirajem ciapier.
Ciapier ža, kali hety praces dasiahnuŭ takoha ŭzroŭniu, ideja niejtralnaj Ukrainy ŭ hetych umovach užo nie maje sensu. Naprykancy… jana pavinna atrymać harantyi ad NATA, u jakoj by formie NATA ich ni dało. Ciapier ustupleńnie Ukrainy ŭ NATA prymalnaje», — skazaŭ Kisindžer.
Hienry Kisindžeru ciapier ažno 99 hadoŭ. Jon byŭ dziaržsakratarom ZŠA ŭ 1973—1977 hadach pry prezidencie Džeraldzie Fordzie, a z 1969 pa 1975 hod zajmaŭ pasadu daradcy prezidenta pa nacyjanalnaj biaśpiecy. Taksama jon łaŭreat Nobieleŭskaj premii miru za ŭdzieł u zaklučeńni Paryžskaha mirnaha pahadnieńnia ab spynieńni bajavych dziejańniaŭ u Vjetnamie.
Praŭda, adnačasova Kisindžer adznačyŭ, što praciahvaje vieryć u nieabchodnaść zachavańnia dyjałohu z Rasijaj, i nahadaŭ, što Rasija — heta vielizarnaja kraina, jakaja vałodaje jadziernaj zbrojaj.
Paśla zakančeńnia vajennych dziejańniaŭ pavinien pačacca «praces abmierkavańnia Jeŭropaj, Amierykaj i pradstaŭnikami Rasii štomiesiačnych umoŭ, sankcyj i zachavańnia inšych instrumientaŭ cisku, pakul nie budzie dasiahnuta ŭrehulavańnie», ličyć vieteran suśvietnaj palityki.
Varta adznačyć, što jašče ŭ mai minułaha hoda, kali ŭžo dva miesiacy išła vajna, były dziaržsakratar ZŠA zaklikaŭ Zachad spynić sproby nanieści poŭnaje paražeńnie rasijskim siłam va Ukrainie, bo, maŭlaŭ, u doŭhaterminovaj pierśpiektyvie heta budzie mieć katastrafičnyja nastupstvy dla stabilnaści Jeŭropy.
Taksama jon tady havaryŭ, što Ukraina pavinna być hatovaja addać častku terytoryi na karyść Rasii. Maŭlaŭ, «dla Zachadu było b fatalnym, kali b jon paddaŭsia nastroju momantu i zabyŭsia ab pravilnym miescy Rasii ŭ jeŭrapiejskim raskładzie sił».
Hetyja zajavy ŭ toj momant vyklikali vialikaje abureńnie i rezkuju reakcyju z boku jak ukrainskich, tak i zachodnich aficyjnych asob i ekśpiertaŭ. A ciapier pieramohi Ukrainy i niaŭdačy Rasii ciaham apošnich miesiacaŭ jaŭna paŭpłyvali na pohlady i samoha Kisindžera.
Čytajcie taksama:
«Pacyfizm — niapravilny adkaz na vajnu va Ukrainie. Hulać u niejtralitet — samy karotki šlach da katastrofy»
Ministr zamiežnych spraŭ Litvy: Pra zakančeńnie hetaj vajny možna abviaścić tolki ŭ Kijevie i na jaho ŭmovach
«Da jaje stavilisia tak, byccam jana ŭsio jašče maje prava na impierskija pačućci». Epłbaum — pra katastrafičnyja pamyłki Zachadu ŭ dačynieńni da Rasii
Padalak Kisindžeru: Nam niama kali słuchać «davoskich panikioraŭ»
Kisindžer: Ukraina musić stać niejtralnaj dziaržavaj i admovicca ad častki terytoryj
Udava aktyvista Maksima Čarniaŭskaha raskazała pra jaho pakuty pierad suicydam5
Kamientary