Takajeŭ raspuściŭ parłamient Kazachstana i ŭsich deputataŭ u krainie
Vybary novaha składu nižniaj pałaty parłamienta pryznačanyja na 19 sakavika. Takajeŭ patłumačyŭ pazačarhovyja vybary łohikaj kanstytucyjnaj reformy, piša RBK.
U Kazachstanie raspuščanaja nižniaja pałata (mažylis) parłamienta Kazachstana i deputaty ŭsich rehijanalnych maślichataŭ. Pra heta havorycca va ŭkazie, jaki apublikavany na sajcie prezidenta Kazachstana Kasym-Žamarta Takajeva.
«Pryznačyć pazačarhovyja vybary deputataŭ Mažylisa na 19 sakavika 2023 hoda. <…> Ukaz ŭvodzicca ŭ dziejańnie z dnia apublikavańnia», — havorycca ŭ dakumiencie.
Datu vybaraŭ deputataŭ miascovych savietaŭ vyznačyć CVK krainy.
U śpiecyjalnaj zajavie Takajeŭ vykazaŭ nadzieju, što abnoŭlenyja składy deputataŭ praciahnuć pracavać u takim ža farmacie i «nadaduć novy impuls» usiebakovaj madernizacyi krainy.
«Praviadzieńnie pazačarhovych vybaraŭ u mažylis i maślichaty pradyktavana łohikaj kanstytucyjnaj reformy, padtrymanaj hramadzianami na ahulnanacyjanalnym refierendumie. Pa jaje vynikach naša kraina pierajšła na novyja, bolš spraviadlivyja i kankurentnyja praviły farmiravańnia pradstaŭničaj haliny ŭłady», — skazana ŭ zajavie Takajeva.
Pavodle zajavy kazachstanskaha prezidenta, ciapier 70% deputataŭ Mažylisa buduć abiracca pa partyjnych śpisach, a 30% — pa adnamandatnych akruhach. Vybary ŭ maślichaty abłaściej i haradoŭ respublikanskaha značeńnia projduć pa źmiešanaj vybarčaj sistemie, u suadnosinach 50 na 50, a na vybarach u maślichaty rajonaŭ i haradoŭ abłasnoha značeńnia vybarščyki buduć hałasavać tolki za kandydataŭ pa adnamandatnych akruhach. Takaja sistema, zajaviŭ Takajeŭ, dazvolić abaranić intaresy vybarščykaŭ jak na ahulnanacyjanalnym, tak i na rehijanalnym uzroŭni, zabiaśpiečyć «šyrokuju palitru pohladaŭ u pradstaŭničych orhanach ułady» i stvoryć spryjalnyja ŭmovy dla dalejšaha raźvićcia hramadzianskaj supolnaści.
«Chacia b raz na try dni pavinien słuchać». Milicyjanier raskazaŭ, jak prasłuchoŭvaŭ biełarusaŭ6
Kamientary