Ziamnoje jadro, mahčyma, źmianiła kirunak ruchu. Jak heta paŭpłyvaje na našu płanietu?
«Tearetyčna heta adbyłasia ŭžo daŭno, ale ŭ nas jość nazirańni tolki za niekalki apošnich dziesiacihodździaŭ».
Unutranaje jadro Ziamli zapavoliła i, napeŭna, źmianiła kirunak svajho kručeńnia. Da takoj vysnovy pryjšli kitajskija navukoŭcy, praanalizavaŭšy siejśmičnyja chvali ad ziemlatrusaŭ pa ŭsioj płaniecie z 1960-ych hadoŭ.
U niadaŭnim daśledavańni, apublikavanym u časopisie Nature Geoscience, navukoŭcy zajavili, što ŭ pieryjad z 2009 pa 2020 hod ruch unutranaha jadra Ziamli zapyniŭsia i, mahčyma, źmianiŭ kirunak. Pa ich infarmacyi, heta pamienšyć praciahłaść dnia na doli milisiekundy ŭžo sioleta i moža akazać nievialiki ŭpłyŭ na mahnitnaje pole Ziamli.
Adnak heta nie paŭpłyvaje na naša žyćcio, bo pavierchnia Ziamli adździelenaja ad unutranaha jadra vadkim vonkavym jadrom, što dazvalaje jamu krucicca nie tak, jak sama płanieta. A vonkavaje jadro, u svaju čarhu, adździelenaje ad ziamnoj kary mantyjaj.
Aŭtary daśledavańnia zapeŭnivajuć, što vyniki ich nazirańniaŭ supadajuć sa źmienami i ŭ mahnitnym poli Ziamli, i ŭ praciahłaści dnia. Pa słovach adnaho z aŭtaraŭ daśledavańnia doktara Siaadun Suna, jakija pryvodzić vydańnie The Wall Street Journal (WSJ), hety praces moh pačacca davoli daŭno.
«Tearetyčna heta adbyłasia ŭžo daŭno, ale ŭ nas jość nazirańni tolki za niekalki apošnich dziesiacihodździaŭ», — adznačaje jon.
U toj ža čas WSJ pryvodzić mierkavańnie jašče adnaho navukoŭca, jaki nie ŭdzielničaŭ u daśledavańni. Prafiesar Džon Videjł z univiersiteta Paŭdniovaj Kalifornii ličyć, što vyniki nazirańniaŭ nie takija adnaznačnyja i heta tolki adna z mnohich inšych navukovych teoryj.
«Zaŭvažanyja źmieny sapraŭdy isnujuć, choć toje, što adbyvajecca nasamreč, pakul nie tak vidavočna. Hetaja teoryja maje prava na isnavańnie, ale heta pakul tolki adno sa šmatlikich mahčymych tłumačeńniaŭ», — padkreślivaje jon.
Čytajcie jašče:
Fiziki nazvali miesca ŭ pamiaškańni, dzie najlepš chavacca ad udarnaj chvali pry jadziernym vybuchu
Navukoŭcy pry dapamozie łaziera ŭpieršyniu zmahli kiravać małankaj
AAN: Azonavy słoj Ziamli budzie adnoŭleny ŭ nastupnyja dziesiacihodździ
-
Nazvany top najhoršych parolaŭ. Kab ich uzłamać, spatrebicca mienš za siekundu
-
«Kali łaska, pamry». Niejrasietka z abrazami i praklonami nakinułasia na karystalnika. Spytali ŭ jaje, čamu jana razzłavałasia
-
Navukoŭcy nie vyjavili suviazi pamiž vykarystańniem sacyjalnych sietak i psichičnymi prablemami
Hanna Kanapackaja patłumačyła, čamu nie vydalaje zdymki z BČB-simvolikaj z sacsietak. Vy budziecie śmiajacca4
Kamientary