Bił Hiejts padtrymaŭ startap pa baraćbie z karovinaj adryžkaj
Bił Hiejts abviaściŭ ab inviestycyjach u aŭstralijski startap Rumin8, jaki raspracoŭvaje korm dla karoŭ na asnovie marskich vodaraściaŭ dla skaračeńnia vykidaŭ mietanu, jaki karovy vypuskajuć padčas adryžki.
Mietan — mahutny parnikovy haz. Choć jaho ŭ atmaśfiery značna mienš, čym vuhlakisłaha hazu, jahony ŭpłyŭ na hłabalnaje paciapleńnie patencyjna ŭ 84 razy bolšy.
Kali karovy pieratraŭlivajuć ježu, mikraarhanizmy ŭ ich straŭnikach vyrablajuć mietan. Ale daśledavańni pakazali, što kali dadać u racyjon karoŭ marskija vodaraści, to kolkaść hazu, jaki vyłučajecca, stanie značna mienšaj.
Usiaho niekalki miesiacaŭ takoha charčavańnia dazvalajuć źmienšyć vykidy mietanu žyviołami bolš čym na 80%.
Rumin8 vyrablaje karmavuju dabaŭku ź bijaaktyŭnych inhredyjentaŭ, jakaja źmiaščajecca ŭ čyrvonych vodaraściach. Kampanija zajaviła, što łabaratornyja vyprabavańni śviedčać: dadavańnie vodaraściaŭ u korm karoŭ moža skaracić da 95% vykidaŭ mietanu.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal5
Kamientary