Vizit ministra zamiežnych spraŭ Biełarusi Siarhieja Martynava ŭ Brusiel adbyŭsia 21‑23 kastryčnika.
Ministr zamiežnych spraŭ Biełarusi Siarhiej Martynaŭ u chodzie vizitu ŭ Brusiel abmierkavaŭ pierśpiektyvy spraščeńnia vizavaha režymu pamiž Biełaruśsiu i ES. Ab hetym paviedamili ŭ pres‑słužbie biełaruskaha źniešniepalityčnaha viedamstva.
Vizit ministra zamiežnych spraŭ Biełarusi Siarhieja Martynava ŭ Brusiel adbyŭsia 21‑23 kastryčnika. Kiraŭnik biełaruskaha źniešniepalityčnaha viedamstva pravioŭ pierahavory z namieśnikam staršyni Jeŭrapiejskaj kamisii — kamisaram pa pytańniach pravasudździa, svabodaŭ i biaśpieki Žakam Baro, a taksama kamisaram pa ekanamičnych i finansavych pytańniach Chaakinam Almunija.
U chodzie sustrečy z Žakam Baro baki zakranuli šyrokaje koła pytańniaŭ, jakija datyčylisia spraščeńnia vizavaha režymu pamiž ES i Biełaruśsiu, umacavańnia miežaŭ i baraćby ź nielehalnaj mihracyjaj.Byli pazityŭna adznačany namahańni Biełarusi pa procidziejańniu arhanizavanaj złačynnaści, handlu ludźmi i inšym ahulnym vyklikam. Namieśnik kiraŭnika Jeŭrakamisii z razumieńniem uspryniaŭ nieabchodnaść uzajemadziejańnia pa vizavych prablemach, ź jakimi sutyknulisia biełaruskija hramadzianie paśla dałučeńnia susiednich ź Biełaruśsiu krain ES da Šenhienskaha pahadnieńnia. Pa vynikach hutarki dasiahnuta damoŭlenaść ab praviadzieńni rabočych kansultacyj pamiž kampietentnymi biełaruskimi viedamstvami i słužbami Jeŭrakamisii pa prablematycy vizavaha režymu i readmisii.
Na sustrečy z Chaakinam Almunija byli abmierkavany pierśpiektyvy pašyreńnia kredytna‑inviestycyjnaha supracoŭnictva pamiž Biełaruśsiu i ES, uklučajučy raspaŭsiudžvańnie mandata Jeŭrapiejskaha inviestycyjnaha banka na Biełaruś i padychody Jeŭrakamisii ŭ rakursie pierahladu stratehii Jeŭrapiejskaha banka rekanstrukcyi i raźvićcia adnosna Biełarusi. Dasiahnuta damoŭlenaść ab pradaŭžeńni ŭzajemadziejańnia pamiž Biełaruśsiu i Jeŭrakamisijaj u finansava‑ekanamičnaj śfiery.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami6
Kamientary