Mižnarodnaja fiederacyja žurnalistaŭ vyklučyć Sajuz žurnalistaŭ Rasii
Skandynaŭskija prafsajuzy žurnalistaŭ abvinavacili Mižnarodnuju fiederacyju žurnalistaŭ (IFJ) u «karupcyjnaj dziejnaści» i niedemakratyčnych mietadach pracy praz pracu z žurnalistami rasijskich dziaržaŭnych ŚMI.
«My nazyvajem heta karupcyjnaj dziejnaściu», — cytuje ahienctva Reuters Chanu Acha, kiraŭnika finskaha prafsajuza žurnalistaŭ. «My vyrašyli padać u adstaŭku razam z narviežskim, dackim i isłandskim sajuzami», — dadała Acha.
Pavodle jaje słoŭ, prafsajuzy skandynaŭskich krain na praciahu mnohich hadoŭ sprabavali vyrašyć prablemy ŭnutry IFJ, ale apošniaj kroplaj Acha nazyvaje pazicyju IFJ padčas vajny Rasii suprać Ukrainy, kali Fiederacyja nie raspačała nijakich mier suprać Sajuza žurnalistaŭ Rasii za stvareńnie karpunktaŭ na akupavanych Rasijaj ukrainskich terytoryjach.
IFJ zajaviła, što jaje vykanaŭčy kamitet inicyjavaŭ aficyjny praces ab prypynieńni i vyklučeńni Sajuza žurnalistaŭ Rasii.
Mižnarodnaja fiederacyja žurnalistaŭ (IFJ) pradstaŭlaje 600000 žurnalistaŭ z 146 krain i nazyvaje siabie «hłabalnym hołasam žurnalistaŭ», mnohija ź jakich imknucca raskryć karupcyju i pravaparušeńni.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary