Byłoj supracoŭnicy Niamieckaha banku ŭ londanskim Sici naležyć kampensacyja pamieram 800 tys. funtaŭ (kala 1,5 młn dalaraŭ) za nievynosnyja ŭmovy na pracoŭnym miescy.
Byłoj supracoŭnicy Niamieckaha banku ŭ londanskim Sici naležyć kampensacyja pamieram 800 tys. funtaŭ (kala 1,5 młn dalaraŭ) za nievynosnyja ŭmovy na pracoŭnym miescy.
36-hadovaja Chelen Hryn padała ŭ sud na filijał banku Deutsche Bank, skardziačysia na hreblivaje staŭleńnie kalehaŭ i adsutnaść padtrymki z boku kiraŭnictva. Pavodle jejnaj zajavy, kalehi pastajanna zaminali joj pracavać, naśmichalisia ź jaje i adpuskali brydkija zaŭvahi. Pryčym Chelen Hryn vinavacić čatyroch žančyn, što pracavali razam ź joj.
Ch. Hryn adpracavała ŭ sakrataryjacie Deutsche Bank Group Services z 1997 h. pa 2001 h. Pavodle jejnych słovaŭ, kalehi časta nie ŭklučali jejnaje imia ŭ adras elektronnych rassyłak, chavali jejnuju poštu i zabirali dakumenty z pracoŭnaha stała. U vyniku, śćviardžaje Hryn, joj ničoha nie zastavałasia, jak siadzieć i płakać. Pry hetym jana zajaŭlaje, što ničoha nie rabiła, kab vyklikać takoje da siabie staŭleńnie.
U sakaviku 2000 h., paśla dvuch pavyšeńniaŭ pa słužbie, jana prajšła specyjalny kurs, apłočany kampanijaj, pa kiravańni stresavymi sytuacyjami.
U vieraśni taho ž hodu u vyniku nervovaha rasstrojstva Chelen Hryn zrabiła sprobu samahubstva.
Pradstaŭniki Deutsche Bank u sudzie admaŭlali parušeńnie kampanijaj pravoŭ Chelen Hryn i zapałochvańnie jaje na pracoŭnym miescy. U pryvatnaści, akcent abarony byŭ zrobleny na emacyjnaj nieŭraŭnavažanaści pazoŭnicy. Adnak sudździa ŭziaŭ bok Chelen. Jana pavinna atrymać 35 tysiačaŭ funtaŭ za pieraniesienyja bol i pakuty, 25 tys. – za ŭron, naniesieny jejnaj karjery, 128 tysiač za stračanyja dachody i jašče 640 tysiač – u jakaści kampensacyi za budučyja dachody, uklučajučy pensiju.
Deutsche Bank zajaŭlaje, što pavažaje rašeńnie sudu i padkreślivaje, što pytańnie pra apelacyju jašče nie vyrašana.
-
Imihracyjnaja i mytnaja słužba ZŠA zatrymała nie mienš za dzieviać biełarusaŭ paśla vykliku na pravierku
-
«Vydalaješ, jak chočaš, choć cehłaj ściraj», abo nizki status». Hutarka z chłopcam, jakoha prymusili ŭ kałonii źniščyć tatu z Pahoniaj
-
«Dzie hrošy, Franak?» Viačorka tłumačyć sistemu mižnarodnaj dapamohi hramadzianskaj supolnaści i kudy iduć 30 młn ad ES
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary