Pra inicyjatyvu «Rehijanalnaj haziecie» raskazała dyrektarka Smarhonskaha historyka-krajaznaŭčaha muzieja Alena Bobina.
— U 2023 hodzie my adznačajem 770-hodździe karanacyi Mindoŭha, zasnavalnika i pieršaha ŭładara VKŁ, pieršaha i apošniaha karala Litvy. Dumka ab ustalavańni pomnika vialikamu kniaziu ŭ Navahrudku prahučała jašče ŭ dalokim 2003 hodzie padčas Mižnarodnaj navukovaj kanfierencyi, pryśviečanaj 750-hodździu karanacyi Mindoŭha. U 2012 hodzie było pryniataje adpaviednaje rašeńnie Navahrudskaha rajvykankama. U 2015 rajvykankam adkryŭ dabračynny rachunak dla zboru hrošaj, — raspaviadaje Alena.
Jana źviartaje ŭvahu na toje, što biez dapamohi šyrokaha koła nieabyjakavych biełarusaŭ u hetaj hodnaj i nieabchodnaj dla Biełarusi spravie pomnik Mindoŭhu na jaho spadčynnych ziemlach moža tak i nie źjavicca.
Dabračynny rachunak pa-raniejšamu adkryty. Staličny skulptar Siarhiej Bandarenka pracuje nad stvareńniem pomnika. Usie nieabchodnyja dakumienty, damova na achviaravańnie, rekvizity jość.
Pa słovach Aleny, pracu skulptara padtrymlivaje adzin hodny sponsar, ale hrošaj na ŭvieś pomnik u jaho nie chopić.
— Heta ścipłaja prośba i vialiki spadzieŭ na toje, što razam, supolnym namahańniem my zmožam uviekaviečyć pamiać pra asobu pieršaha vialikaha kniazia litoŭskaha ŭ pieršaj stalicy staražytnaj Litvy, i roŭna pamiać ab našaj dziaržaŭnaści, — padsumavała Alena.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary