Krynicy: Na biełaruskich palihonach trenirujuć taksama rasijskich źniavolenych dla «Vahniera»
«Biełaruskija milicyjanty vyjuć. Pieryjadyčna byvajuć sproby ŭciokaŭ», — paviedamiła «Našaj Nivie» abaznanaja krynica ŭ vojsku.
Łukašenkaŭcy ŭžo nie chavajuć, što biełaruskija instruktary vučać rasijskich mabilizavanych.
Krynicy: U Biełarusi aktyŭna vučać rasijskich «mobikaŭ», palihony pad Asipovičami i Baranavičami zabityja ruskimi
U toj ža čas u «Našu Nivu» prychodziać sihnały ab tym, što biełaruskija instruktary trenirujuć nie tolki «mobikaŭ», ale i źniavolenych-vahnieraŭcaŭ, jakich Pryhožyn nabiraje pad abiacańni svabody paśla ŭdziełu ŭ vajnie.
«Tak, ich trenirujuć. U Minskaj vobłaści. Achova hetych łahieraŭ uzmocnienaja, biełaruskija milicyjanty vyjuć. Achoŭvać zekaŭ z dostupam da zbroi — ryzyka. Pieryjadyčna byvajuć sproby ŭciokaŭ, nie paśpiachovyja», — paviedamiła «Našaj Nivie» abaznanaja krynica ŭ vojsku.
Rasija, paciarpieŭšy krach u svajoj sprobie zachapić Ukrainu całkam i likvidavać ukrainskuju dziaržaŭnaść, sprabuje dabicca kantrolu, prynamsi, nad čatyrma abłaściami poŭdnia Ukrainy. Užo piać miesiacaŭ zaciatyja bai iduć za horad Bachmut. Asnoŭnaj udarnaj siłaj tam stali bajcy hrupy «Vahnier».
Pryvatnaja vajskovaj kampanija «Vahnier» — heta svajho rodu anałah dobraachvotnaj bryhady SS pad kamandavańniem Oskara Dyrlevanhiera ŭ hitleraŭskaj Hiermanii. U «Vahnier» ciapier sabrali kryminalnikaŭ, u tym liku hvałtaŭnikoŭ i zabojcaŭ, z turmaŭ pa ŭsioj Rasii.
Kamandujučy «Vahniera» — były kramloŭski «kuchar» Jaŭhien Pryhožyn. Ën zmahajecca za palityčny ŭpłyŭ unutry pucinskaj sistemy, supraćpastaŭlajučy siabie vojsku, što pakazała siabie jak nieefiektyŭnym, tak i nie asabliva prahnym vajavać u impieryjalistyčnaj vajnie.
«Možna padumać, što Pryhožyn maje mienšy mabilizacyjny rezierv, tamu i zacikaŭleny ŭ lepšaj (chacia heta taksama ŭmoŭna — niemahčyma za tydni i miesiacy navučyć dobraha sałdata z toj bazaj, što jość u Rasii i Biełarusi) padrychtoŭcy svaich bajcoŭ. U toj ža čas, u «Vahniery» zacikaŭlenaja Rasija, tamu hetaje pytańnie mahło vyrašacca i asabista dvuma dyktatarami», — dadaŭ inšy naš surazmoŭca ź biełaruskaha vojska.
Nahadajem, što «Naša Niva» paviedamlała pra toje, što ŭ Biełarusi rychtujucca navučać rasijskich mabilizavanych, zadoŭha da pačatku hetaj apieracyi.
Čytajcie: Na fonie sustrečy Łukašenki ŭ Pucina siłavyja struktury Biełarusi pieraviedzienyja va ŭzmocnieny režym niasieńnia słužby. Što adbyvajecca?
«Naša Niva» — bastyjon biełaruščyny
PADTRYMAĆŠto za «Sihma boj»? Hetaj virusnaj pieśniaj zaniepakoilisia ŭ Jeŭraparłamiencie13
Kamientary