Płan Mahilova 1812 hoda zachoŭvajecca ŭ kartahrafičnaj kalekcyi Staatsbibliothek zu Berlin — Bierlinskaj dziaržaŭnaj biblijateki. Raniej dostup da vyjavy mieli tolki daśledčyki i admysłoŭcy, ciapier ža jana raźmieščanaja ŭ volnym dostupie, paviedamlaje Mahiloŭ.Media.
Karta ŭjaŭlaje saboj płan centralnaj častki horada i ŭmacavańniaŭ sa schiematyčnym paznačeńniem asnoŭnych vulic. Źviartaje na siabie ŭvahu detalizacyja mienavita ŭmacavańniaŭ Mahilova — akramia terytoryi byłoha zamka, jaki ŭžo nie isnavaŭ amal stahodździe na toj čas, abaznačanyja niekalki redutaŭ. Taksama vyrazna vydzielenyja linii haradskich ścien, dakładna paznačanyja haradskija bramy.
Na płanie horada jość čarnilnyja nadpisy na niamieckaj movie, a rečka Dubravienka padpisanaja kirylicaj. U vierchnim pravym vuhle paznačana data składańnia płana — 6 vieraśnia. Taksama prysutničajuć podpisy ałoŭkam, vierahodna, paźniejšyja albo navat sučasnyja. Adzin ź ich i daje padstavu dla dakładnaha datavańnia płana — 06.09.1812 hoda.
Detalizacyja ŭmacavańniaŭ, niamieckaja mova tekstaŭ padšturchoŭvajuć da dumki, što aŭtaram płana moh być chtości ź niamieckich sałdat armii Napaleona, kali jany znachodzilisia ŭ horadzie padčas vajny 1812 hoda.
-
Jak źjavilisia kankłavy. Kardynałaŭ zamknuli, razabrali im dach, nie karmili — ale ŭsio vyrašyła krovapralićcie
-
U volny dostup vykłali ŭnikalnyja fota budaŭnictva Doma ŭrada ŭ Minsku ŠMAT FOTA
-
«My farbavali jajki tolki nočču». Jašče ŭ siaredzinie minułaha stahodździa Vialikdzień u Biełarusi śviatkavali inakš
Biełarus žyvie ŭ domie, jaki pabudavaŭ z sałomy, piasku i hliny. Pry hetym jon — adziny žychar vioski. Jak adčuvańni?7
Kamientary
A voś tut možna pahladzieć hety planik ź pierakładam:
https://www.facebook.com/groups/mohilewhistory/posts/5987056288043316/