Rečyca. Braty Alaksiej i Kanstancin Zmuški. Bieraście. Andrej Lubiančuk
27 kastryčnika ŭ Biełarusi aktyvisty Biełaruskaj Chryścijanskaj Demakratyi vyviesili dziesiatki bieł‑čyrvona‑biełych ściahoŭ. U toj dzień na niekalki hadzinaŭ byli zatrymanyja aktyvisty BCHD z Rečycy Alaksiej i Kanstancin Zmuško. 28 kastryčnika z ranicy Kanstancina znoŭ zabrali ŭ milicyju.
Nijakaha abvinavačańnia znoŭ nie pradjavili. Jak paviedamiŭ presavaj słužbie BCHD Alaksiej Zmuško, «z bratam prosta razmaŭlali, sprabavali vyśvietlić, navošta jon raźviešvaŭ ściahi, ale Kanstancin trymaŭsia pazicyi, što jon prosta prahulvaŭsia pa horadzie».
Niekalki hadzinaŭ ŭčora ŭ pastarunku praviali i aktyvisty BCHD ź Bieraścia. Ich zatrymali ŭ suviazi z tym, što ŭ «čas pik» u centry horada byli vyviešanyja šeść bieł‑čyrvona‑biełych ściahoŭ. Jak paviedamiŭ kiraŭnik haradskoj Bieraściejskaj arhanizacyi BCHD Andruś Lubiančuk, jaho ź siabrami zatrymali na vulicy. Skazali, što chłopcy byccam by padobnyja na złačyncaŭ, što ździejśnili «hetyja procipraŭnyja dziejańni». Ale dokazaŭ, što mienavita chłopcy vyviesili ściahi nie było, i prykładna praź dźvie hadziny ich adpuścili. Milicyjanty pratakołu nie składali.
Fotazdymki z akcyi ŭ Rečycy, Bieraści i inšych haradach možna bačyć na sajcie bchd.info.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju7
Kamientary