Fota: pixabay.com
Ludzi, jakija šukajuć sabie paru ŭ internecie, mohuć hadzinami vybirać najbolš vyhadnaje fota dla svajho profilu. Vaźmicie fota, na jakim vy z sabakam, i vašy šansy być vybranym mohuć pavysicca, piša Daily Mail.
Arhanizacyja Guide Dogs zamoviła apytańnie tysiačy darosłych brytancaŭ, i dźvie traciny ź ich adznačyli, što z bolšaj imaviernaściu stali b sustrakacca z tym čałaviekam, jaki maje vyjavu sabaki na fota na sajcie znajomstvaŭ. 60% respandentaŭ miarkujuć, što najaŭnaść sabaki — vierny znak taho, što čałaviek hatovy da addanych adnosin.
Taksama ŭdzielniki apytańnia ličać, što ŭładalniki sabak bolš kamunikabielnyja, aktyŭnyja i spahadlivyja. Pałova respandentaŭ navat vykazali hatoŭnaść pazyčyć sabaku svajaka ci siabra, kab sfatahravacca ź im dla profilu i pavialičyć svaje šancy na pośpiech u inšaha połu.
Kali ž vam niama dzie ŭziać sabaku ci vy prosta nie chočacie ź im fatahrafavacca, jość i inšyja sposaby zrabić fajnaje fota dla sajta znajomstvaŭ, i ich efiektyŭnaść dakazanaja navukaj. Zapisvajcie:
- nie vykarystoŭvajcie zanadta seksualnyja fota,
- paprasicie nieznajomaha čałavieka vybrać najlepšaje fota ź niekalkich,
- vybierycie vyhadny dla siabie rakurs,
- praviercie apisańnie profilu na arfahrafičnyja i punktuacyjnyja pamyłki,
- nie zavyšajcie svaich standartaŭ.
Čytajcie taksama:
Usie sabaki dobryja — i heta nijak nie źviazana ź ich parodaj
U Partuhalii žyvie samy stary sabaka ŭ śviecie. Jamu 30 hadoŭ
«Kolki ni karmi — viečna hałodnaja». Minčanka zaviała sabie skunsa
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)
niejak maci mianie da susiedki ŭziała. uzrostu tady ja była nuŭ... daloka šče da vydańnia) ale taja žančyna čamuści rašyła mianie trochi žyćciu pavučyć. jejnaja parada mnie spadabałasia, ale
u vyniku kaniečnie ŭsio adno nie atrymałasia skarystacca joj... p rozy žyćcia)
nu ale moža ŭ niekaha inšaha atrymajecca, tamu paradu pryviadu -
"ty, - kazała žančyna, - nie hladzi na dobryja jakaści čałavieka, a na niedachopy hladzi. i dumaj - ci zmožaš ty ź imi mirycca i žyć?"