Rasija prypyniaje ŭdzieł u Damovie ab stratehičnych nastupalnych uzbrajeńniach
Hety krok aznačaje ŭstupleńnie śvietu ŭ novy vitok honki jadziernych uzbrajeńniaŭ, piša RBK.
Rasija prypyniaje svoj udzieł u Damovie ab stratehičnych nastupalnych uzbrajeńniach (SNU) — heta dahavor pamiž Rasijskaj Fiederacyjaj i Złučanymi Štatami Amieryki ab mierach pa dalejšym skaračeńni i abmiežavańni kolkaści stratehičnych jadziernych rakiet.
Pra heta Uładzimir Pucin zajaviŭ pry kancy svajho zvarotu da Fiederalnaha schodu i naroda Rasii 21 lutaha.
Hety krok aznačaje ŭstupleńnie śvietu ŭ novy vitok honki jadziernych uzbrajeńniaŭ.
Damova ab SNU abmiažoŭvała kolkaść jadziernych bojezaradaŭ z kožnaha boku da 1550, a kolkaść mižkantynientalnych balistyčnych rakiet, balistyčnych rakiet na padvodnych łodkach i ciažkich bambavikach — da 700. Damova była padpisanaja ŭ 2010 hodzie i była vialikim zdabytkam doŭhaha pieryjadu napružańnia ŭ mižnarodnych adnosinach. Pieršyja pieramovy pra abmiežavańnie jadziernych uzbrajenńniaŭ pačalisia jašče ŭ 1970-ch pamiž Niksanam i Brežnievym, sapraŭdnaja razradka pačałasia ŭ kancy 1980-ch.
Zvarot Pucina byŭ napoŭnieny impieryjalistyčnaj i antyzachodniaj rytorykaj. Ën paŭtaryŭ svaje vykazvańni hadavoj daŭniny ab pravie Rasii dałučać inšyja dziaržavy i terytoryi, jakija Maskva ličyć «histaryčna rasijskimi».
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii7
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii
Biełaruskija biznesmieny śpiešna pradajuć doli ŭ svaich polskich transpartnych kampanijach. Što adbyvajecca?2
Kamientary