Samaje papularnaje sacyjalnaje sieciva padličyła, kolki izrailcianaŭ siabruje z palestyncami, a sierbaŭ - z ałbancami.
Samaje papularnaje sacyjalnaje sieciva i 2‑hi pa kolkaści naviedvańniaŭ sajt u internecie facebook.com pačaŭ virtualnuju miratvorčuju dziejnaść i padličyŭ kolki izrailcianaŭ siabruje z palestyncami, a sierbaŭ z ałbancami.
Hetak dniami ŭ miežach sumiesnaj pracy Facebook i Stenfardskaha ŭniversiteta byŭ zapuščany novy prajekt «Peace on Facebook» («Mir na Facebook»), jaki stavić za metu spryjańnie ŭsim miratvorčym pracesam i spynieńnie mižnacyjanalnych, mižrelihijnych i inšych kanfliktaŭ u śviecie.
Admysłovaja staronka peace.facebook.com źmiaščaje spasyłki i infarmacyju ab najbolš aktualnych miratvorčych akcyjaŭ i kampanijaŭ, jakija pravodziacca pry dapamozie najbujniejšaha sacyjalnaha sieciva.
Asabliva cikavymi źjaŭlajucca hrafiki, na jakich pradstaŭlenyja statystyčnyja dadzienyja facebook, zbor jakich praciahvajecca ŭvieś čas, ab suviaziach pamiž ludźmi roznych nacyjanalnaściaŭ, relihijanych pierakanańniaŭ i palityčnych pohladaŭ. Jak viadoma, pry rehistracyi ŭ sacyjalnych siecivach, ludzi paznačajuć peŭnuju infarmacyju ab sabie i svaich pohladach, jakaja i vykarystoŭvajecca dla stvareńnia voś takoha kštałtu statystyki.
Naprykład možna pahladzieć, što ranicaj 26 kastryčnika adbyłosia 71 tysiača 555 kantaktaŭ pamiž chryścijanami i musulmanami, albo 667 kantaktaŭ pamiž sunitami i šyitami.
Cikavaj źjaŭlajecca taksama statystyka pa suviaziach pradstaŭnikoŭ tych narodach, stasunki pamiž jakimi tradycyjna miakka kažučy nia vielmi «siabroŭskija». U toj ža paniadziełak u sacyjalnym siecivie adbylisia 8441 kantakty pamiž serbami i ałbancami, ci 5158 hramadzianaŭ Izraila i Palestyny znajšli ahulnuju movu dla razmovy.
«Jak Vy dumajecie, ci zmožam my dasiahnuć mira va ŭsim śviecie praz 50 hod ?» — takoje pytańnie kožny dzień admysłoŭcy Facebook zadajuć karystalnikam adnaho z samych papularnych internet servisaŭ u śviecie. I jak vyśvietliłasia najbolšymi aptymistami ŭ hetym pytańni źjaŭlajucca hramadzianie Kałumii i Jehipta.
I, niahledziačy na toje, što prajekt źjaviŭsia tolki 27 kastryčnika, jon užo atrymaŭ vialiki rozhałas i padtrymku siarod karystalnikaŭ internetu. Hetak stužka kamientaroŭ na staroncy «Peace on Facebook» adnaŭlajecca kožnyja niekalki chvilinaŭ. Ludzi roznych nacyjalnaściaŭ, relihijnych pohladach ci palityčnych pierakanańniaŭ pakidajuć adzin adnamu paviedamleńni i cytaty z zaklikami pryjści da parazumieńnia i miru.
***
«Kali my adčuvajem mir u našych sercach, heta maje patencyjał stać realnaściu na fizičnym uzroŭni» Golnoosh Hakiman
«Mir — heta siła, jakaja nam nieabchodnaja» Mukara Meredith
«Być albo nie być, voś u čym pytańnie» Ci možam my praciahvać «być» na hetaj płaniecie, albo my staniem jak vymierłyja vidy raślinaŭ i žyviołaŭ, jakija źnikli ź Ziamli ŭ vyniku čałaviečaj dziejnaści ?» Jorge Alejandro DelaVega Lozano
«Facebook hanarycca tym, što hraje peŭnuju rolu ŭ spryjańni miru šlacham stvareńnia technałohii, jakaja dapamahaje ludziam lepš zrazumieć adzin adnaho.» — paviedamlajuć na staroncy stvaralniki prajekta.
Zastajecca dadać, što na siońniašni dzień cacyjalnaje sieciva Facebook tolki pačynaje nabirać papularnaść u Biełarusi i źjaŭlajecca pakul 20‑ym pa naviedvalnaści sajtam siarod biełaruskich internet‑karystalnikaŭ.
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads7
Kamientary