Kamunalniki patłumačyli, čamu zimovaha ramontu daroh chapaje tolki da kanca zimy
Słuckija kamunalniki adkazali na pretenzii, jakija da ich pastajanna vykazvajucca ŭ suviazi z tym, što darožnyja ramonty, jakija jany pastajanna robiać zimoj, efiekt majuć vielmi niadoŭhi, piša sajt SlutskGorod.
U Słuckaj ŽKH na zapyt sajta adkazali, što jamačny ramont daroh u zimovy pieryjad vykonvajecca ŭ pieršuju čarhu dla źniaćcia avaryjnych situacyj, tamu jon i nie raźličvajecca na praciahły termin.
Taki jamačny ramont, pa słovach kamunalnikaŭ, vykonvajecca nie «haračym asfaltam», a admysłovymi SAMSami (składavanymi arhanaminieralnymi sumiesiami), i jon nosić časovy charaktar dla padtrymańnia techničnaha stanu daroh.
Zhodna ź dziejnymi techničnymi kodeksami, harantyjnyja abaviazacielstvy, maŭlaŭ, uvohule nie raspaŭsiudžvajucca na ramont vyboin u zimovy pieryjad, a taksama na paškodžańni daroh u vyniku darožna-transpartnych zdareńniaŭ, vandalizmu i stychijnych biedstvaŭ.
Juraś Ziankovič raskazaŭ pra svajo vyzvaleńnie i šlach u ZŠA6
Kamientary