«Prosta isteryčna». Deputat Savinych nie moža adyści ad pryjomu ŭ Vienie
Na hetym tydni ŭ Vienie prachodziła Parłamienckaja asambleja ABSIE. Ad Biełarusi tam prysutničali dźvie delehacyi — demsiłaŭ i łukašenkaŭskich deputataŭ. Apošnija zastalisia pakryŭdžanyja pryjomam.
«Kali my jechali siudy, my dumali, što heta budzie zvanočkam zdarovaha sensu. Kali heta i było zvankom, to jaho prademanstravaŭ urad Aŭstryi. Pačałasia rabota siesii — i my bačym dziŭnuju karcinu: parušajucca praviły pracedury, nas starajucca pazbavić hołasu. Takoje ŭražańnie, što jany prosta bajacca pačuć našy arhumienty.
Šerah delehacyj na hetaj siesii pavodzić siabie prosta isteryčna. Jany chavajuć hetuju isteryku pad pavažnaściu, dypłamatyčnymi manierami. Ale ŭ lubym razie jany demanstrujuć poŭnuju adsutnaść łohiki i arhumientaŭ», — skardziŭsia deputat Andrej Savinych u efiry ANT.
Padčas pasiadžeńnia Parłamienckaj asamblei ABSIE rasijskaj delehacyi i delehacyi ad režymu Łukašenki demanstratyŭna vydzielili miescy ŭ apošnim šerahu, choć zvyčajna pry rassadcy dziejničaje ałfavitny paradak.
Padčas vystupu rasijskaj delehacyi ŭ kancy siesii bolšaja častka prysutnych pakinuła zału ŭ znak pratestu. Heta byli ŭdzielniki delehacyj demakratyčnych krain. Kiraŭnik delehacyi ad Łukašenki Andrej Savinych atrymaŭ słova ŭžo paśla taho, kali ŭ zale nie zastałosia amal nikoha.
Na nastupny dzień Savinych pasprabavaŭ sarvać vystup Cichanoŭskaj, ale nie atrymałasia — łukašenkaŭskaja delehacyja demanstratyŭna pakinuła zału.
Čytajcie bolš:
Savinych sprabavaŭ sarvać vystup Cichanoŭskaj pierad PA ABSIE. Ale nie vyjšła, i jon pakinuŭ zału
U ABSIE rasijan i biełarusaŭ-łukašenkaŭcaŭ pasadzili na zadvorkach, pa-za ałfavitam
Jak Franak Viačorka sprabavaŭ pahutaryć z Andrejem Savinych u Vienie, ale ničoha nie vyjšła
Deputata Savinych u Vienie sustreli vokličam «Žyvie Biełaruś»
Pasoł Sidarenka pakončyŭ z saboj, nie vytrymaŭ dopytaŭ KDB27
Kamientary