Volha naradziłasia na Vałyni va ŭkrainskaj siamji. Navučałasia ŭ Varšavie, potym u Čechasłavakii. Paśla Druhoj suśvietnaj vajny pierabrałasia ŭ Aŭstraliju, dzie pabrałasia šlubam ź biełarusam Arkadziem Kačanom (1921—1982), viadomym hramadskim i vajskovym dziejačam biełarusaŭ Aŭstralii, ź jakim paznajomiłasia jašče ŭ łahiery dla pieramieščanych asob u Hiermanii. Praz muža Volha dałučyłasia i da biełaruskaj spravy.
Pracavała pierakładčycaj, vykładčycaj psichałohii ŭ Sidnejskim univiersitecie. Listavałasia na vydatnaj biełaruskaj movie z łondanskaj Skarynaŭkaj, hałoŭnym čynam z ajcom Alaksandram Nadsanam. Słovam i hrašyma padtrymlivała biełaruskuju spravu: achviaravała na Skarynaŭku i na biełaruskija haziety Aŭstralii.
Paśla śmierci muža ŭ 1982 hodzie padtrymlivała suviazi sa Skarynaŭkaj, Biełaruskim instytutam navuki i mastactva. Pisała pra biełarusaŭ Aŭstralii pa-anhlijsku, naprykład, u 1988 hodzie ŭ encykłapiedyi The Australian People: an Encyclopedia of the Nation, its People and their Origins (Aŭstralijski narod: encykłapiedyja nacyi, jaje ludziej i ich pachodžańnia).
Taksama Volha Kačan pakinuła ŭspaminy pa-anhlijsku pra hady, praviedzienyja ŭ Polščy, Čechasłavakii i Niamieččynie. U siecivie byli raźmieščanyja ŭryŭki ŭspaminaŭ pad nazvaj «Ucioki z «raju».
Zajmałasia psichalinhvistykaj, mieła akademičnyja publikacyi na temu psichałahičnych asnoŭ, aśpiektaŭ bilinhvizmu. Asablivuju ŭvahu pryciahnuŭ u 80-ja hady minułaha stahodździa jaje tekst Early Bilingualism: Friend or Foe? («Rańni bilinhvizm: siabar ci vorah?»).
Žyła na piensii ŭ Sidnei da 2021 hoda. U 2021-m pierabrałasia da syna Džordža ŭ Piert, dzie i pamierła. Pachavanaja ŭ Sidnei.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)