U Hancavickim rajonie za biescań pradajuć staruju panskuju siadzibu ŭ dobrym stanie
Jašče minułaj viasnoj za stahadovy panski dom u Aharevičach Hancavickaha rajona chacieli atrymać 159 tysiač rubloŭ. Ale tak jak hety dom — historyka-kulturnaja kaštoŭnaść, to novamu ŭładalniku treba było padpisać achoŭnaje abaviazacielstva. Ale achvotnych aformić hetuju kuplu dahetul nie znajšłosia, tamu ciapier siadziba vystaŭlenaja na aŭkcyjon usiaho za adnu bazavuju vieličyniu (37 rubloŭ), piša «Hancavicki čas».
Hety dom pabudavali ŭ 1911 hodzie. Spačatku siadziba naležała rodu Śviaržynskich, a pierabudoŭvali jaje pry Apackich. U 1939 hodzie dom spustošyli, haspadyniu majontka sasłali ŭ Sibir. Dom doŭha stajaŭ zakinutym, adnak u pačatku 1990-ch jaho adramantavali i ŭsiaredzinie navat abstalavali nievialikuju haścinicu. Uvosień 1994-ha ŭ Aharevičach prymali konnyja spabornictvy, jakija prachodzili akurat pry hetym domie.
U rozny čas siadzibu naviedvali čynoŭniki z urada, prytym najvyšejšaha ranhu: premjery Viačasłaŭ Kiebič, Michaił Čyhir i Michaił Miaśnikovič. A ź Vialikabrytanii i Šviejcaryi ŭ Aharevičy pryjazdžali i naščadki byłych uładalnikaŭ siadziby.
Da niadaŭniaha času ŭ siadzibie raźmiaščałasia stałovaja rabotnikaŭ sielhaspradpryjemstva «Bierazaviec», adnak urešcie haspadarcy stała niavyhadna ŭtrymlivać hety abjekt.
Budynak adnapaviarchovy, jahonaja płošča — 324 «kvadraty». Jość aciapleńnie, vada, elektryčnaść, kanalizacyja, telefon. Jość prybudova, bryhadny dom, tancplacoŭka z mostam, učastak bolš čym na 2 hiektary. Nabytak možna vykarystoŭvać pad pradprymalnickuju dziejnaść abo pad žyllo.
Aŭkcyjon projdzie 31 sakavika.
«This f*cking AI». Pierakładčyk Łukašenki pry prezidencie AAE vykarystaŭ niedypłamatyčnaje słova9
Kamientary