Usiaho patrochu44

Zvyčki, jakija psujuć pralnuju mašynu i adzieńnie

Jak vykarystoŭvać pralnuju mašynu bieražliva? Źviarnicie ŭvahu na hetyja momanty — i vaša bializna i technika zachavajucca ŭ najlepšym stanie.

Pralnaja mašyna moža słužyć daŭžej

Zdajecca, drobiaź, adnak niapravilnaje myćcio chutčej znošvaje adzieńnie, łamaje pralnuju mašynu i navat prymušaje vas płacić pa bolš vysokich rachunkach. Na ščaście, źmianić svaje zvyčki nieskładana, prosta źviarnicie na ich uvahu i pastarajciesia pryvučyć siabie rabić inakš.

1. Vy zaŭsiody myjecie pa adnoj i toj ža prahramie

Najpierš pažadana źmianić zvyčku myć usio pa adnoj i toj ža prahramie. Bo dla myćcia roznych tkanin patrebnyja roznyja tempieratury i, adpaviedna, prahramy. Ručniki i paścielu myjuć pry bolš vysokaj tempieratury, a vyraby z voŭny i bavoŭny patrabujuć bolš nizkaj, kab adzieńnie z hetych tkanin nie mianiała formu i nie sadziłasia (asabliva vaŭnianaje). Kali vy abirajecie tempieraturu myćcia ŭ adpaviednaści z tkaninaj, vaša adzieńnie nie vylińvaje i nie sadzicca.

Čytajcie jašče: 

Dadajcie heta ŭ pralnuju mašynu — atrymajecie vaŭ-efiekt

Dla čaho vykarystoŭvajecca treci adsiek u pralnaj mašynie? Vy možacie ździvicca

2. Vy vykarystoŭvajecie zašmat myjnaha srodku

Adna z samych raspaŭsiudžanych pamyłak palahaje ŭ tym, što ludzi dadajuć zašmat myjnaha srodku. Lišak myjnaha srodku nie zrobić adzieńnie bolš čystym — naadvarot, tolki vykliča prablemy. Naprykład, jon moža pakinuć na adzieńni plamy i pryčapić da jaho brud. Pasprabujcie pamienšyć kolkaść parašku da troch čverciaŭ ad toj, što rekamiendavana na ŭpakoŭcy, i pahladzicie, ci budziecie vy zadavolenyja svajoj bializnaj.

3. Pierad myćciom adzieńnia vy zabyvajecie pravieryć kišeni

Kali vy zaniatyja ci śpiašajeciesia — vy, vierahodna, zabudziecie pravieryć kišeni pierad myćciom. Ale heta važny momant, bo, kali zabyć dastać rečy z kišeniaŭ, pralnuju mašynu možna paškodzić. Najbolš niebiaśpiečna, kali ŭ kišeniach apynucca mietaličnyja pradmiety — maniety, klučy. Hetyja rečy nie pacierpiać, čaho nielha skazać pra techniku: pry kručeńni barabana mietaličny pradmiet moža zrabić treščynu ŭ šklanych dźviercach ci paškodzić sam baraban. Kluč ci manieta mohuć zatrymacca ŭ trubie i zabić jaje, što pahražaje zatapleńniem. Tak što pierš čym pakłaści adzieńnie ŭ pralnuju mašynu, abaviazkova praviercie kišeni.

4. Vy zahružajecie ŭ pralnuju mašynu vielmi šmat bializny

Vialikaja spakusa pakłaści ŭ pralnuju mašynu bolš bializny — kab myć radziej. Na žal, pierahruzka pralnaj mašyny psuje techniku i źmianšaje efiektyŭnaść myćcia. Čym bolš u mašynie bializny, tym ciažej myjnamu srodku da jaje dabracca i tym horš jana prapałoskvajecca. Akramia taho, čym bolš bializny vy zahružajecie ŭ pralnuju mašynu, tym chutčej jana znošvajecca.

Chiby, nazvanyja ŭ hetym artykule, datyčać vykarystańnia nie tolki pralnych mašyn, ale i pasudamyjek. Sačycie za kolkaściu posudu i srodku dla myćcia, nie pierahružajcie techniku i hladzicie, kab u jaje nie trapili lišnija pradmiety. Nikoli nie pozna zamianić škodnyja zvyčki novymi i karysnymi!

Čytajcie jašče: 

Što tańniej — prymać vannu ci duš? I jašče piać karysnych faktaŭ pra ekanomiju na kamunałcy

Voś jak dabicca, kab adzieńnie paśla pralnaj mašyny sochła chutčej 

Hety sposab vyčyścić nasadku dla duša — najlepšy

Kamientary4

  • sad dom les
    17.03.2023
    Viera, čytajcie ŭvažliva. Na adnym režymie psujecca bializna, a nie mašyna. Majecca na ŭvazie, što niekatoryja na adnym režymie sumiesna hruziać bavaŭnianyja majtki i mierynosavy švedar.
  • Aniołak
    17.03.2023
    Ja b raiła źmienšyć kolkaść parašku i hielu jašče bolš - da 1-2 st. łyžak, u zaležnaści ad ab‘iomu pranaha. Kali parašok zdolny admyvać u pryncypie, to jon heta zrobić i pry takoj małoj kolkaści. Kali nie, to choć poŭny adsiek zapoŭni, a nie adpiare.
    Tak ekałahičniej i zdaraviej (srodak lepš vymyjecca, i nia pryjdziecca jaho nasić na skury razam z adziežaj).
  • JANKA
    17.03.2023
    NIE ŠKADUJCIE❗
    Voś u mianie asnoŭny cykał prańnia doŭžycca la troch hadzinaŭ. Ale navat paśla hetaha ja zaŭždy (!) jašče čatyry-šeść razoŭ ułučaju «Ekspres» i «Pałaskańnie». U vyniku vopratka — ja ŭpeŭnieny ŭ hetym — bolej čystaja j biez čaścinak pralnaj putry. A jaje napačatku ŭ adsiek PM ja syplu nie škadujučy. Bo, jak tej kazaŭ, nie škadujcie zavarki, ž.! 🫡
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Sienatar Hrem anansavaŭ rekordnyja pastaŭki zbroi Ukrainie paśla zaŭtrašniaj zajavy Trampa8

Sienatar Hrem anansavaŭ rekordnyja pastaŭki zbroi Ukrainie paśla zaŭtrašniaj zajavy Trampa

Usie naviny →
Usie naviny

Jak u Babrujsku kamunalniki zarablali na hałalodzie, raskazaŭ Dziaržkantrol1

Prapanoŭvali hrošy, novy pašpart i naviedvańnie Biełarusi biez nastupstvaŭ. Biełaruska za miažoju raskazała, jak jaje vierbavaŭ KDB18

Ziankovič pra skandalny restaran «Pajedziem pajadzim»: Heta adno z najlepšych miescaŭ u horadzie46

U biełaruskich telehram-kanałach źjavilisia abjavy pra vierbavańnie kantraktnikaŭ dla Minabarony RF4

Alfa-samcy — heta vyklučeńnie, a nie praviła. Vyniki novaha daśledavańnia11

Z navalnicami i paryvistym vietram. Jakim budzie nadvorje na nastupnym tydni

U Biełarusi vosiem niemaŭlat da hoda naviedvajuć dziciačy sad1

Jak hłabalnaja źmiena klimatu adabjecca na Biełarusi? Nie zusim tak, jak my ŭjaŭlajem12

Minčanka raskazała, dzie paznajomicca ź pierśpiektyŭnymi chłopcami ŭ stalicy14

bolš čytanych navin
bolš łajkanych navin

Sienatar Hrem anansavaŭ rekordnyja pastaŭki zbroi Ukrainie paśla zaŭtrašniaj zajavy Trampa8

Sienatar Hrem anansavaŭ rekordnyja pastaŭki zbroi Ukrainie paśla zaŭtrašniaj zajavy Trampa

Hałoŭnaje
Usie naviny →

Zaŭvaha:

 

 

 

 

Zakryć Paviedamić