Mer Vašynhtona Miuryeł Boŭzer aficyjna abviaściła 25 sakavika 2023 hoda Dniom Voli Biełarusi
Pra inicyjatyvu mera Vašynhtona ŭ tvitary paviedamiŭ Franak Viačorka, daradca Śviatłany Cichanoŭskaj.
U zajavie Miuryeł Boŭzer padkreślivajecca, što śviatkavańnie Dnia Voli «spryjaje prasoŭvańniu i zachavańniu bahataj historyi, movy i kultury biełarusaŭ u Vašynhtonie, akruzie Kałumbija i va ŭsioj biełaruskaj dyjaspary», a viedańnie biełaruskich tradycyj i zvyčajaŭ «umacoŭvaje sacyjalnuju strukturu našaj šyrokaj supolnaści i robić značny ŭniosak u žyćciazdolnaść i sacyjalnuju raznastajnaść akruhi Kałumbija».
The Mayor of Washington D.C. officially proclaimed March 25, 2023 as Belarus Freedom Day! Thank you, @MurielBowser!
— Franak Viačorka (@franakviacorka) March 17, 2023
On this day, all over the world, Belarusians and friends of Belarus will conduct rallies and actions of solidarity with the Belarusian people fighting for freedom! pic.twitter.com/R996hzZBYV
«Padtrymka niezaležnaści, demakratyi i svabody ŭ Biełarusi adpaviadaje našym kaštoŭnaściam abarony pravoŭ čałavieka, demakratyčnaha samakiravańnia i zachavańnia prava na samavyznačeńnie», — padkreślivaje Boŭzer.
Mer Vašynhtona ŭžo druhi hod zapar abviaščaje 25 sakavika Dniom Voli Biełarusi, pieršy raz Dzień Voli ŭ Vašynhtonie śviatkavali ŭ 2022 hodzie.
Demakratyčnaja lidarka Biełarusi Śviatłana Cichanoŭskaja 21—28 sakavika ździejśnić vizit u ZŠA i voźmie ŭdzieł u mitynhu ŭ Vašynhtonie, pryśviečanym Dniu Voli.
Kamientary