U Rasii pozvy ŭ vajenkamat ciapier buduć uručacca i ŭ elektronnym vyhladzie
Pozvy ŭ vajenkamat u Rasii ciapier buduć prychodzić nie tolki ŭ papiarovym, ale i ŭ elektronnym vyhladzie. Heta tyčycca nie tolki terminovaj słužby, ale i ŭsich vajennaabaviazanych. Za takija papraŭki ŭ zakanadaŭstva 11 krasavika prahałasavała Dziaržduma, paviedamlaje DW.
Zhodna z raniejšaj redakcyjaj zakona «Ab vajskovym abaviazku i vajskovaj słužbie», pozvu pavinny ŭručyć pryzyŭniku asabista i pad raśpisku. Paśla pryniaćcia papravak papiarovyja pozvy taksama zachavajucca, ale dublavać ich možna budzie ŭ elektronnym vyhladzie — praz partał «Dziaržpasłuh».
Pozva ŭ elektronnym vyhladzie budzie ličycca atrymanaj z momantu raźmiaščeńnia ŭ asabistym kabiniecie vajennaabaviazanaha.
Z taho dnia, kali pozva ličycca ŭručanaj, pryzyŭniku zabaronieny vyjezd z krainy.
Kali vajennaabaviazany nie atrymaŭ pozvu ŭ piśmovym abo ŭ elektronnym vyhladzie, jana budzie ličycca ŭručanaj praź siem dzion paśla raźmiaščeńnia ŭ rejestry pozvaŭ.
Paśla hetaha na praciahu sutak pryzyŭniku nakirujuć u asabisty kabiniet na «dziaržpasłuh» papiaredžańnie ab tym, što ŭ vypadku niajaŭki ŭ vajenkamat na praciahu 20 dzion u dačynieńni da jaho pačnuć dziejničać asablivyja miery.
Siarod takich mier: zabarona na rehistracyju IP i samazaniataści, na rehistracyju transpartnaha srodku i kiravańnie im, na atrymańnie kredytu.
Rasijskuju armiju płanujuć papoŭnić 400 tysiačami kantraktnikaŭ
U 35 rehijonach Rasii pačali rassyłać pozvy «dla ŭdakładnieńnia źviestak»
Kamientary