FBR aryštavała padazravanaha va ŭciečcy dakumientaŭ ź Pientahona — ŚMI
FBR aryštavała padazravanaha ŭ najbujniejšaj za doŭhija hady ŭciečcy sakretnych dakumientaŭ ź Pientahona. Pra heta paviedamlajuć kanał Fox News i hazieta The New York Times.
Raniej amierykanskija ŚMI apublikavali rasśledavańni, u jakich apisvajucca novyja padrabiaznaści ŭciečki vialikaj kolkaści dakumientaŭ Pientahona ab vajnie va Ukrainie i inšych mižnarodnych spravach.
U sieradu ŭviečary Washington Post paviedamiła, što sakretnymi fajłami dzialiŭsia sa svaimi siabrami pa hulniavym anłajn-čacie małady supracoŭnik vajskovaj bazy. A ŭ čaćvier New York Times zajaviła, što jaje žurnalistam udałosia znajści imia i pasadu hetaha čałavieka.
Pa danych New York Times, vinavatym u źlivie źjaŭlajecca 21-hadovy člen Nacyjanalnaj hvardyi amierykanskich VPS u štacie Masačusiets Džek Tejšejra. SBS News paćviardžaje, što amierykanskija pravaachoŭnyja orhany mienavita Tejšejra ličać padazravanym.
Kamientary