Čałaviekam, jaki apublikavaŭ dakumienty ŭrada ZŠA, u jakim uspłyŭ špijanaž za cajuźnikami i raskrylisia płany ŭdziełu ZŠA ŭ vajnie va Ukrainie, vyjaviŭsia małady amatar zbroi, jaki padzialiŭsia stroha zasakrečanymi dakumientami z hrupaj małaznajomych ludziej u hrupie, jakaja źjaviłasia padčas pandemii ŭ 2020 hodzie, piša ŭ svaim rasśledavańni Washington Post.
Dakumienty apublikavaŭ karystalnik pad nikam OG u hrupie z dvuch dziasiatkaŭ čałaviek na płatformie dla hiejmieraŭ Discord. Udzielnikaŭ hurtka abjadnoŭvała luboŭ da zbroi, vajskovaha ryštunku i Boha, adznačaje vydańnie.
OG raspavioŭ udzielnikam hrupy, što jon pracuje na «vajskovaj bazie». Rasšyfravanyja dakumienty tyčylisia šerahu dalikatnych tem, dostup da jakich mohuć mieć tolki tyja, chto prajšoŭ šmatmiesiačnuju pravierku piersanalnych danych, robić vysnovy vydańnie.
U ich utrymlivalisia zvyšsakretnyja spravazdačy pra miescaznachodžańnie i pieramiaščeńni vysokapastaŭlenych palityčnych lidaraŭ, a taksama taktyčnyja zvodki ab Uzbrojenych siłach.
OG adpraŭlaŭ sakretnyja dakumienty hrupie i raźličvaŭ, što hrupa budzie ŭvažlivaja da ich. Ale hrupie było niecikava, udzielniki addavali pieravahu hladzieć videaroliki na YouTube ab bajavym ryštunku, pierakazvaje razmovy z udzielnikami hrupy Washington Post.
OG razzłavaŭsia i pačaŭ adpraŭlać fatahrafii sakretnych dakumientaŭ, niekatoryja ŭtrymlivali padrabiaznyja karty bajavych dziejańniaŭ va Ukrainie i stroha zasakrečanyja spadarožnikavyja zdymki nastupstvaŭ rasijskich rakietnych udaraŭ pa ŭkrainskich elektrasietkach.
Akramia taho, OG apublikavaŭ spravazdačy, jakija paćviardžajuć dziejańni amierykanskaj raźviedki, jakaja pranikła ŭ rasijskija Uzbrojenyja siły. U pryvatnaści, što Jehipiet płanavaŭ pradać Rasii dziasiatki tysiač rakiet, i mierkavavańni, što rasijskija najmity źbirajucca zakuplać u Turcyi, člena NATA, zbroju dla baraćby z Ukrainaj.
7 krasavika amierykanskaje vydańnie New York Times paviedamiła, što ŭ internecie źjavilisia amierykanskija sakretnyja dakumienty pa ŭkrainskaj tematycy.
Daradca kiraŭnika Ofisa ŭkrainskaha prezidenta Michaił Padalak skazaŭ, što ŭciečka nie padarvie adnosin Ukrainy i ZŠA. «Heta narmalnaja analityka. I ja nie baču, što heta niejak pavinna padarvać našy ŭzajemnyja adnosiny z partniorami. Heta nie błytaje nijakich płanaŭ, tamu što jany raspracoŭvajucca, jany jašče apieratyŭna-taktyčna adpracoŭvajucca», — skazaŭ Padalak u paniadziełak padčas telemarafonu.
Jeŭrapiejcy hatovyja pahadzicca na adpraŭku svaich vojskaŭ dla achovy biełaruska-ŭkrainskaj miažy — vialikaje apytańnie1
Kamientary
https://nashaniva.com/314398