ФБР арыштавала падазраванага ў найбуйнейшай за доўгія гады ўцечцы сакрэтных дакументаў з Пентагона. Пра гэта паведамляюць канал Fox News і газета The New York Times.
Раней амерыканскія СМІ апублікавалі расследаванні, у якіх апісваюцца новыя падрабязнасці ўцечкі вялікай колькасці дакументаў Пентагона аб вайне ва Украіне і іншых міжнародных справах.
У сераду ўвечары Washington Post паведаміла, што сакрэтнымі файламі дзяліўся са сваімі сябрамі па гульнявым анлайн-чаце малады супрацоўнік вайсковай базы. А ў чацвер New York Times заявіла, што яе журналістам удалося знайсці імя і пасаду гэтага чалавека.
Па даных New York Times, вінаватым у зліве з'яўляецца 21-гадовы член Нацыянальнай гвардыі амерыканскіх ВПС у штаце Масачусетс Джэк Тэйшэйра. СBS News пацвярджае, што амерыканскія праваахоўныя органы менавіта Тэйшэйра лічаць падазраваным.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Каментары