Da 9 Maja materyjalnuju dapamohu atrymajuć kala 10 tysiač čałaviek
Jak paviedamiła Ministerstva pracy i sacyjalnaj abarony, z 26 krasavika pačali vypłačvać prymierkavanyja da 9 Maja adnarazovyja vypłaty vieteranam Druhoj suśvietnaj vajny i asobam, jakija paciarpieli ad jaje nastupstvaŭ. Takich u Biełarusi zastałosia kala 10 tysiač.
Adnarazovyja vypłaty da 9 Maja sioleta atrymajuć u Biełarusi kala 10 tysiač vieteranaŭ, byłych viaźniaŭ kancłahieraŭ, błakadnikaŭ i rabotnikaŭ tyłu.
Vypłaty buduć naličvacca pa nastupnaj schiemie:
- 2000 rubloŭ — invalidam i ŭdzielnikam vajny, členam bryhad pa raźminiravańni vyzvalenych terytoryj u 1943-1945 hadach, a taksama asobam, jakija ŭdzielničali ŭ bajavych dziejańniach da 3 vieraśnia 1945 hoda;
- 1100 rubloŭ — uznaharodžanym ordenami i miedalami rabotnikam tyłu ŭ hady vajny, błakadnikam i niekatorym inšym katehoryjam;
- 850 rubloŭ — asobam, jakija paciarpieli ad nastupstvaŭ vajny (u tym liku byłym viaźniam kancłahieraŭ i hieta).
Da 4 maja ź biudžetu na hetyja mety budzie nakiravana prykładna 10 miljonaŭ rubloŭ.
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr10
Kamientary