Minski biznesmien raźličyŭsia z daŭhami i kupiŭ piać darahich mašyn za hrošy, vyviedzienyja maci z čužych rachunkaŭ
70-hadovaja minčanka, hałoŭnaja buchhałtarka niekalkich pryvatnych kampanij, mieła klučy dostupu da elektronnych rachunkaŭ arhanizacyj i bieskantrolna pieraličvała hrošy kampanij svajmu synu, paviedamiŭ Śledčy kamitet.
Vykryć złačynnuju schiemu ŭdałosia kiraŭniku adnoj z kampanij. U niejki momant jon sprabavaŭ ździejśnić płaciažy, adnak na rachunku firmy nie akazałasia dastatkova srodkaŭ. Udakładniŭšy ŭ hałoŭnaj buchhałtarki, kudy padzielisia hrošy, dyrektar atrymaŭ pryznańnie ŭ kradziažy i źviarnuŭsia ŭ milicyju.
Paźniej vyśvietliłasia, što syn buchhałtarki, 37-hadovy biznesmien, pazyčyŭ u 27-hadovaha znajomaha 260 tys. dalaraŭ i štomiesiac raźličvaŭsia pa daŭhach. I ŭsio było b dobra, adnak pryjaciel raptam zapatrabavaŭ viarnuć jamu pazyčanyja hrošy z pracentami — usiaho takim čynam naźbirałasia 1 młn dalaraŭ. A pačuŭšy admovu, vyrašyŭ «vybivać» doŭh siłaj: na praciahu hoda jon źbivaŭ biznesmiena, pahražaŭ hvałtam u dačynieńni da členaŭ siamji, zamykaŭ jaho ŭ roznych pamiaškańniach.
Pradprymalnik spužaŭsia za svajo zdaroŭje i raspracavaŭ płan, jak zdabyć hrošy niezakonnym čynam. Jon pryciahnuŭ da jaho svaju 70-hadovuju maci. Jana vyvodziła hrošy z čužych rachunkaŭ, da jakich mieła dostup, a dziela kanśpiracyi niezakonnyja vypłaty pakazvała jak vydatki, jakich nasamreč nie isnavała: apłaty dyvidendaŭ i pakryćcio kredytorskaj zapazyčanaści.
U vyniku hrošaj, vykradzienych buchhałtarkaj z rachunkaŭ kampanij, chapiła nie tolki na apłatu daŭhoŭ syna, ale i na 5 darahich aŭtamabilaŭ — ich mužčyna kupiŭ ciaham niepraciahłaha času.
Pazyčalnik hrošaj, buchhałtarka i jaje syn uziatyja pad vartu, im vystaŭlenyja abvinavačvańni pavodle šaści artykułaŭ Kryminalnaha kodeksa.
Chto taja prafsajuznaja aktyvistka z MAZa, jakaja paprasiła Łukašenku razabracca ŭ jutubie z «biehłymi»?18
Kamientary
V priamom smyśle!
Oni čto, dumali, čto umnieje i chitrieje vsiech pročich biznismEnov?...
Niepłocho … možnt jeśli by u vas było 260 tys.. vy by tožie łuku lubili😁