Hramadstva

Padčas fejkavaj rassyłki HUBAZiK zatrymaŭ stvaralnika bazy fota biełaruskich budynkaŭ

Jak vynikaje ź siužeta, jaho sprabujuć abvinavacić u pierasyłcy archiŭnych zdymkaŭ, jakija jość u adkrytym dostupie.

Uładzimir Fišman. Fota: sacsietki

U efiry ANT pakazali zatrymanych padčas abłavy, kali HUBAZIK stvaryŭ čarhovy fejkavy bot nibyta ad «Bajpoła» (heta było 13 krasavika).

Tam prapanoŭvali pravieryć, ci jość ty ŭ bazie siłavikoŭ, a nasamreč, źbirali danyja ludziej. Prapahandyst Ihar Tur kaža, što tady nibyta 150 čałaviek napisała ŭ bot poŭnyja ŭstanovačnyja danyja, plus siłaviki atrymali niekalki socień ID. Ale nieviadoma, ci heta praŭdzivyja ličby — łukašysty niaredka publikujuć zaviedama chłuślivuju infarmacyju.

Pra niekatorych zatrymanych tady «Naša Niva» ŭžo pisała, ale stała viadoma i pra novych. Adzin ź ich — minski inžynier Uładzimir Fišman.

Nakolki viadoma, jaho zatrymali ci ŭviečary 20 krasavika, ci rankam 21-ha.

Uładzimir cikavicca haradskoj zabudovaj i architekturaj kala 20 hod. Jon stvaryŭ unikalnuju bazu z tysiačami fotazdymkaŭ roznych budynkaŭ u Biełarusi i pa-za jaje miežami — photobuildings.com (raniej domofoto.ru). 

U videa, jakoje pakazali na ANT, Uładzimir raspaviadaje, što nibyta zarehistravaŭsia ŭ čacie płana «Pieramoha», a ŭ listapadzie 2022 hoda ź im nibyta źviazaŭsia Alaksandr Azaraŭ. 

Varta adznačyć, što biełaruskija dziaržaŭnyja ŚMI z metaj dyskredytacyi «Bajpoła» nieadnarazova publikavali chłuślivuju infarmacyju.

U kadry pakazvajecca skryn pierapiski ŭ telehramie ź nieviadomym karystalnikam. U pierapiscy nieviadomy karystalnik pytajecca pra čas stvareńnia staroha kalca tralejbusnaha maršruta №57 u Minsku, na što Uładzimir adkazvaje, što na tym miescy pa vulicy Šaranhoviča było prosta niearanaje pole, prykładajučy spadarožnikavy zdymak 1984 hoda, dzie bačny NVA «Centr».

Ale heta nie tajamnica.

Frahmient pierapiski, pakazany na ANT

Pryviedzieny spadarožnikavy zdymak zrobleny amierykanskim kaśmičnym aparatam i jość u volnym dostupie. Zdymki terytoryi SSSR amierykancy ździajśniali prynamsi z 1960-ch hadoŭ. Kali hetyja zdymki niekali i mieli niejkaje raźviedvalnaje značeńnie, to ŭ naš čas jany nie sakretnyja i znachodziacca ŭ svabodnym dostupie na sajcie earthexplorer.usgs.gov.

Amierykanskija zdymki, jakija źjaŭlajucca nadzvyčaj karysnaj (a časam adzinaj) krynicaj infarmacyi pra źmieny ŭ haradskoj prastory, nabyvajuć i publikujuć biełaruskija krajaznaŭcy, historyki, horadabudaŭniki, urbanisty i prosta tyja, chto cikavicca raźvićciom biełaruskich pasieliščaŭ. 

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Łukašenka: U amierykancaŭ niama nijakaha płana, jany prosta zandujuć hlebu13

Łukašenka: U amierykancaŭ niama nijakaha płana, jany prosta zandujuć hlebu

Usie naviny →
Usie naviny

Minčuk aburyŭsia kantynhientam u staličnym mietro: Usie z novymi ajfonami, ale nie mohuć dazvolić sabie tannuju mašynu ci pajezdki na taksi?24

Dvuchrublovuju manietu pradajuć na aŭkcyjonie za 490 rubloŭ. Čamu tak doraha?

Tramp zajaviŭ, što jahonyja pradstaŭniki jeduć u Rasiju «prosta ciapier»3

U Polščy chočuć uvieści padatak dla bihtechaŭ, ale ZŠA heta nie padabajecca2

«Ja bajałasia, što jana budzie vyhladać mienavita tak». Biełaruska dva hady šukała mahiłu svajoj babuli ŭ Polščy — i narešcie znajšła3

Chalezin: Žyćcio paśla śmierci isnuje, my ŭsie žyviom u hrybnoj matrycy23

Łukašenka źniaŭ z pasady načalnika Akademii MUS1

«Buduć vystaŭlenyja nievykanalnyja ŭmovy». U Kramli abmiarkoŭvajuć scenary admovy ad časovaha pieramirja5

NASA skarystałasia Marsam jak tramplinam, kab razahnać zond u bok Jupitera1

bolš čytanych navin
bolš łajkanych navin

Łukašenka: U amierykancaŭ niama nijakaha płana, jany prosta zandujuć hlebu13

Łukašenka: U amierykancaŭ niama nijakaha płana, jany prosta zandujuć hlebu

Hałoŭnaje
Usie naviny →

Zaŭvaha:

 

 

 

 

Zakryć Paviedamić