PVK «Vahnier» utrymlivaje 85% Bachmuta i sychodzić pakul nie źbirajecca — ŚMI
Vydańnie Politico pieradaje sa spasyłkaj na svaje krynicy ŭ amierykanskaj administracyi, što najmity PVK «Vahnier» pa-raniejšamu ŭtrymlivajuć značnuju častku Bachmuta, vałodajuć značnymi zapasami bojeprypasaŭ i zbroi i, niahledziačy na vialikija straty, nie płanujuć pakidać horad.
Na minułym tydni zasnavalnik PVK «Vahnier» Jaŭhien Pryhožyn pryhraziŭ, što jaho najmity pakinuć horad, bo vajskovaje kiraŭnictva nie zabiaśpiečvaje ich bojeprypasami.
Paśla hetaha jon zajaviŭ, što jaho siły zastanucca ŭ Bachmucie i što «vahnieraŭcam» paabiacali dać dastatkovuju kolkaść bojeprypasaŭ. Zatym, zrešty, Pryhožyn znoŭ paskardziŭsia, što hetyja abiacańni nie vykonvajucca, i pryznaŭ, što ŭ apošni dzień USU ŭdałosia pravieści ŭdałuju kontrataku.
Niahledziačy na pahrozy Pryhožyna pakinuć Bachmut, jaho najmity ŭtrymlivajuć, prynamsi, 85% terytoryi horada, skazana ŭ publikacyi.
Jak raspaviali vydańniu Politico na ŭmovach ananimnaści daśviedčanyja amierykanskija krynicy, jany nie vałodajuć śviedčańniami taho, što najmity płanujuć pakinuć Bachmut.
«Amierykanskija čynoŭniki kažuć, što apošnim zajavam Pryhožyna pra Bachmut vieryć nielha, i chutčej za ŭsio jany byli patrebnyja, kab spravakavać reakcyju maskoŭskaha abaronnaha aparatu — prymusić Maskvu adpraŭlać bolš uzbrajeńniaŭ», — pišuć aŭtary.
Choć pieramoha ŭ bitvie za Bachmut stała b dla Kijeva važnym simvaličnym žestam, zachodnija sajuźniki pieraścierahajuć Ukrainu ad raschodavańnia tut zamnoha srodkaŭ, prapanoŭvajučy vykarystoŭvać zbroju i ludziej na bolš pierśpiektyŭnych napramkach u chodzie čakanaha viasnova-letniaha nastupu.
Pryhožyn zajaviŭ, što vyviedzie vahnieraŭcaŭ z Bachmuta. Što dumajuć na hety kont USU
Pryhožyn zajaviŭ, što vyviedzie «Vahnier» z Bachmuta 10 maja
«Dzie, b***, bojeprypasy?» Pryhožyn pakazaŭ pole, uścielenaje trupami vahnieraŭcaŭ, i abmaciukaŭ Šajhu i Hierasimava
Isteryki Pryhožyna pakazvajuć, što Rasija moža być bližejšaj da 1917 hoda, čym my dumajem
Kaho z palitviaźniaŭ mohuć vypuścić paśla anonsu Łukašenki?8
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary