«Siadžu i razumieju, što ničoha nie razumieju». Rasijskaja aktrysa, zaprošanaja ŭ Kupałaŭski teatr, raskazała pra biełaruskamoŭny repiertuar
Rasijskaja aktrysa, zaprošanaja ŭ 2022 hodzie zamiest zvolnienych kupałaŭcaŭ, uzhadała, jak upieršyniu hladzieła «Paŭlinku».
Rasijskaja aktrysa Hanna Mieščarakova raspaviała vydańniu «Minsk-Naviny», jak pryjechała ŭ Minsk, nie viedajučy biełaruskaj movy.
— Pieršym śpiektaklem była «Paŭlinka». Siadžu i razumieju, što ničoha nie razumieju… A napieradzie praca nad «Ramea i Džuljetaj»… Supakojvała siabie: projdzie čas i budu pra heta ŭspaminać z uśmieškaj, nastrojvała siabie, što prajdu vyprabavańnie i spraŭlusia. I kali pieraadoleła miažu, padumała: heta maja asabistaja pieramoha. Ja nie prosta zazubryła słovy, ja niasu emocyi. Nievierahodnyja adčuvańni! Heta vielizarny krok napierad, — skazała Mieščarakova.
U 2020 hodzie bolšaja častka trupy zvolniłasia z Kupałaŭskaha na znak pratestu suprać falsifikacyi vybaraŭ i hvałtu siłavikoŭ. Kab adnavić pracu teatra administracyi pryjšłosia zaprašać novych akcioraŭ z Rasii, bo nieabchodnaj kolkaści akcioraŭ u biełaruskich teatrach nie znajšłosia — u inšych teatrach krainy taksama prajšli masavyja zvalnieńni praz pratesty.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary