Śviatłana Cichanoŭskaja ŭžo dva miesiacy nie maje infarmacyi pra muža
Pra heta palityk zajaviła, vystupajučy na piatym forumie «Naša budučynia» ŭ Varšavie 12 maja, piša «Radyjo Svaboda».
Cichanoŭskaja raskazała, što «z 2020 hoda praz turmy prajšło bolš za 60 tysiač čałaviek»:
«Pravaabaroncy ŭžo stracili lik palitviaźniam. My viedajem imiony 1,5 tysiačy, ale realnaja kolkaść dasiahaje 5 tysiač. Jany ŭtrymlivajucca ŭ niečałaviečych umovach u poŭnaj izalacyi. Litaralna niekalki dzion tamu adzin ź ich, Mikałaj Klimovič, pamior u turmie. Jon byŭ asudžany za toje, što źmiaściŭ karykaturu na Łukašenku. Ja ničoha nie čuła pra svajho muža z 10 sakavika».
Ratujučysia ad žorstkich represij, adznačyła palityk, sotni tysiač biełarusaŭ byli vymušany pakinuć krainu:
«Tut, u Polščy, dziasiatki tysiač znajšli biaśpiečnaje prystanišča. Navat u vyhnańni jany praciahvajuć dabivacca pieramien u Biełarusi. Tamu što ŭsie my chočam viarnucca dadomu».
Asobna jana spyniłasia na pieraśledzie polskaj dyjaspary ŭ Biełarusi, zhadaŭšy historyju žurnalista Andreja Pačobuta, jakomu prysudzili vosiem hadoŭ pazbaŭleńnia voli.
«Navat u turmie jon nie stračvaje nadziei. I my nie pavinny stračvać nadzieju na lepšuju budučyniu navat u samy ciomny čas. Za apošnija try hady ja zrazumieła, što šlach da svabody nie karotki i nie lohki, ale jon adzina pravilny. I jon patrabuje mužnaści. I salidarnaści», — skazała Cichanoŭskaja.
Forum «Naša budučynia» — štohadovaja impreza, na jakoj polskija školniki i studenty sustrakajucca z palitykami, pradstaŭnikami navuki i biznesu.
Taksama doŭhi čas niama infarmacyi pra Mikołu Statkieviča, Maksima Znaka, Alaksandra Franckieviča, anarchista Dźmitryja Duboŭskaha, z 27 krasavika ničoha nie viadoma pra Viktara Babaryku.
Ciapier čytajuć
«Da akcyi dałučylisia tolki marhinały». Što pisaŭ u čatach paśla svajho vykryćcia kadebešnik, adkazny za biełaruskuju emihracyju3
Kamientary