U Minsku pačała pracu Mižnarodnaja vystava ŭzbrajeńnia i vajskovaj techniki MILEX-2023
Na vystavie MILEX-2023 pradstaŭlena vajskovaja i śpiecyjalnaja technika biełaruskaha, rasijskaha, kitajskaha i iranskaha vajenprama. Vystava prachodzić z 17 pa 20 maja na terytoryi «Minsk-Areny».
Adkryvajučy vystavu, ministr abarony Biełarusi Viktar Chrenin paviedamiŭ, što na joj pradstaŭlena ŭ tym liku «daŭhaviečnaje» ŭzbrajeńnie minułaha stahodździa, jakoje prajšło madernizacyju.
«Na maštabnym zbrojevym ahladzie ekśpiertnaj supolnaści i hramadskaści pradstaŭleny nie tolki šyroki śpiektr pryncypova novych, samych pieradavych vysokatechnałahičnych uzoraŭ uzbrajeńnia, ale i daŭhaviečnaha, nadziejnaha ŭzbrajeńnia, jakoje raspracavana ŭ kancy i navat u siaredzinie XX stahodździa, ale jašče nie vyčarpała zakładzieny ŭ jaho patencyjał i resurs, jakoje paśla hłybokaj madernizacyi i adaptacyi da sučasnych umoŭ viadzieńnia ŭzbrojenaj baraćby značna pavysiła svaju bajavuju efiektyŭnaść, ekspłuatacyjnyja charaktarystyki i erhanomiku», — skazaŭ Chrenin.
Viktar Chrenin taksama zaŭvažyŭ, što siarod haściej mierapryjemstva jość pradstaŭniki «praktyčnych usich rehijonaŭ śvietu», niahledziačy na składanuju abstanoŭku. Pavodle jaho, heta «krasamoŭna śviedčyć ab tym, što ŭ našaj krainy jość šmat partnioraŭ, sajuźnikaŭ i adnadumcaŭ».
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka7
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2929
Kamientary
kstati po čiem nynčie kiłohramm mietałłołoma?