U niekatorych minskich kramach supracoŭniki vydańnia Tochka.by zaŭvažyli šakocisy biełaruskaj vytvorčaści. Heta mučny vyrab u vyhladzie jalinki, jaki vielmi papularny ŭ susiedniaj Litvie.
«Šakocis» u pierakładzie ź litoŭskaj movy — «halinkavy» (halinka — «šakas»), i słodyč tak nazyvajecca z-za vonkavaha vyhladu.
Robiać pradukt, jaki pradajecca ŭ minskich kramach, na pradpryjemstvie «Minskchlebpram».
Ciesta dla hetaha kandytarskaha vyrabu hatujecca z dadavańniem vialikaj kolkaści jajek, śmiatany, a taksama śmietankovaha masła. Vypiakajuć desiert na ražnie, jaki palivajuć ciestam. Ściakajučy, jano prymaje «kalučuju» formu. Usiaredzinie taki łasunak pusty, ale pry žadańni ŭ jaho možna dadać lubuju načynku, naprykład, krem abo ŭźbityja viarški.
U minskim univiersamie «Centralny» košt šakocisa — 55,08 rubla za kiłahram, ale tak jak važyć adna štuka kala 300 h, to abydziecca jana ŭ miežach 20 rubloŭ.
Taki vialiki košt tłumačycca tym, što na 1 kiło muki treba dadavać bolš za 30 kurynych jajek.
U Litvie pryniata rabić šakocisy na vialikija śviaty, taksama słodyč voziać u jakaści suvienira ŭ inšyja krainy. Ich možna ŭ Litvie nabyć faktyčna ŭ luboj bujnoj praduktovaj kramie.
U niekatorych biełaruskich rehijonach taksama mohuć rabić padobnyja vyraby pad inšymi nazvami. Tak, u Porazavie na Hrodzienščynie jon zaviecca bankuchaj i ŭniesieny ŭ śpis historyka-kulturnych kaštoŭnaściaŭ Biełarusi.
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3030
Kamientary