Cirque du Soleil prakamientavaŭ najom padpisanta prałukašenkaŭskaha lista
Znakamity kanadski cyrk adkazaŭ na zapyt «Našaj Nivy» z prośbaj prakamientavać pracu ź biełaruskim batutystam Uładzisłavam Hančarovym. Jak stała viadoma ŭ kancy minułaha tydnia, Hančaroŭ syšoŭ z nacyjanalnaj zbornaj i pryniaŭ prapanovu pracavać u Cirque du Soleil.
U svaim adkazie pres-słužba cyrka padkreślivaje šmatkulturny i šmatnacyjanalny charaktar trupy.
«Cirque du Soleil Entertainment Group — heta suśvietnaja zabaŭlalnaja kampanija, jakaja štodnia ładzić vystupy pierad raznastajnaj aŭdytoryjaj va ŭsim śviecie i ŭ jakoj pracuje mižnarodny skład artystaŭ z bolš čym 80 krain. Jak tvorčaja kampanija, my ščyra vierym u adkrytaść, raznastajnaść, inkluziŭnaść i pavahu. Hetyja kaštoŭnaści kirujuć našym uzajemadziejańniem z artystami, supracoŭnikami, partniorami i prychilnikami, i adlustroŭvajucca va ŭsich našych pastanoŭkach.
My taksama vierym, što kultura znachodzicca pa-za palitykaj i što mastactva nie maje hieahrafičnych miežaŭ. Takim čynam, my nie zasnoŭvajem naš praces vybaru artystaŭ na palityčnych, relihijnych abo lubych inšych pohladach našych kandydataŭ, a tolki na ich majsterstvie, talencie i historyi vykanańnia».
U Cirque du Soleil užo niekalki hadoŭ pracuje inšy biełarus, były spartovy himnast Siamion Bukin, jaki za ŭdzieł u pratestach adsiedzieŭ sutki i byŭ vymušany pakinuć krainu.
List u padtrymku Alaksandra Łukašenki źjaviŭsia ŭ adkaz na masavyja pratesty suprać falsifikacyi vybaraŭ 2020 hoda. Hety list vykarystoŭvaŭsia dla apraŭdańnia masavych represij suprać inšadumcaŭ, jakija supravadžalisia katavańniami ŭ tym liku aryštavanych spartoŭcaŭ. Za niepadpisańnie lista nie pahražali represii, ale niepadpisanty hublali pracu i kantrakty ŭ Biełarusi.
Hančaroŭ pierabraŭsia ŭ ZŠA niedzie miesiac tamu, i ciapier pracuje ŭ šou Michael Jackson, jon znachodzicca ŭ Łas-Viehasie.
Pry hetym aficyjnaja ideałohija, jakuju adstojvali padpisanty lista, maluje krainy Zachadu, i najpierš ZŠA, jak maralna dehradavanyja i poŭnyja ekanamičnych prablem.
Uładzisłaŭ Hančaroŭ nie prynios prabačeńnia za padpisańnie taho lista i nijak nie kamientavaŭ svoj pierajezd.
«Naša Niva» — bastyjon biełaruščyny
PADTRYMAĆHetyja spartoŭcy znajšli siabie na dziaržTB
Biełaruskaha treniera pryznali najlepšym u čempijanacie Kipra
«Cyrku ŭsio roŭna, chto ŭ im pracuje» — udzielnik Cirque du Soleil ab pryjeździe Ułada Hančarova
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary