Studenty Połackaha ŭniviersiteta pra aryštavanych vykładčykaŭ: «Niekatorych užo zvolnili zadniaj dataj»
Pavodle studentaŭ Połackaha dziaržaŭnaha ŭniviersiteta, im nichto nie tłumačyć, ź jakoj pryčyny va ŭstanovie admianiajucca niekatoryja zaniatki, ale ŭsio zrazumieła i tak, piša «Viciebskaja viasna».
Studentam, naprykład, samim daviałosia šukać vykładčyka fizkultury Siarhieja Rykuna, jaki ŭ pryznačany čas nie źjaviŭsia na kafiedry fizičnaha vychavańnia. Urešcie maładym ludziam paviedamili, što «Siarhiej Piatrovič zvolniŭsia». Ale adnačasova pa VNU prajšła infarmacyja, što małady vykładčyk asudžany na 15 sutak razam ź niekatorymi inšymi kalehami.
Na 15 sutak asudžanyja taksama Siarhiej Hłazyryn, dacent kafiedry kanstytucyjnaha prava i dziaržaŭnaha kiravańnia, i dacent kafiedry historyi i turyzmu Viktar Čaraŭko. 10 sutak aryštu majuć adbyć vykładčyca kafiedry suśvietnaj litaratury i zamiežnych moŭ Alena Chramcova i dacentka kafiedry hieadezii i hieainfarmacyjnych sistem Halina Šarahłazava.
Pieralik zatrymanych i asudžanych vykładčykaŭ pakul nie poŭny, ale jość źviestki, što ich kolkaść paśla abłavy ŭ PDU 23 i 24 maja moža siahać 15 čałaviek.
Nieviadomyja i losy tych, chto ciapier znachodzicca na «sutkach»: jość vierahodnaść, što da vykładčyckaj dziejnaści jany ŭžo nie viernucca. Padobnyja vypadki ŭžo byli: praz toje, što trapili pad aryšty padčas paślavybarčych padziej 2020 hoda, ci praz toje, što nie stali chavać svajoj hramadzianskaj pazicyi, z PDU byli vymušanyja syści dacent, kandydat histaryčnych navuk Viktar Jakubaŭ, staršy vykładčyk kafiedry architektury i kiraŭnik adździeła dyzajnu i kiravańnia brendam PDU Andrej Viaryha, doktar histaryčnych navuk, etnohraf Uładzimir Łobač.
Administracyja navučalnaj ustanovy papiaredziła studentaŭ pra niedapuščalnaść publičnych kamientaroŭ pra padziei va ŭniviersitecie, tamu źviestki adtul pratočvajucca tolki praź niefarmalnuju kamunikacyju.
Ciapier čytajuć
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami15
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1616
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju16
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2222
Kamientary