Vypadak adbyŭsia ŭ čaćvier u štacie Kałarada.
Prezident ZŠA Džo Bajden pavaliŭsia na scenie padčas cyrymonii ŭručeńnia dypłomaŭ u Akademii vajenna-pavietranych sił u štacie Kałarada, piša AP.
Bajden vitaŭ vypusknikoŭ u Kałarada-Sprynhs, štat Kałarada, i pavaliŭsia, viartajučysia sa sceny na svajo miesca. Jamu dapamoh padniacca aficer vajenna-pavietranych sił, a taksama dvoje supracoŭnikaŭ Sakretnaj słužby ZŠA.
Hledačy, u tym liku niekatoryja členy aficyjnaj delehacyi na scenie, tryvožna nazirali, jak Bajden, jaki ŭ svaje 80 hadoŭ jość samym starym prezidentam u historyi ZŠA, viarnuŭsia na svajo miesca, kab ubačyć zakančeńnie cyrymonii.
«Mianie zakidali miaškami ź piaskom», — z uśmieškaj skazaŭ prezident žurnalistam, kali viarnuŭsia ŭ Bieły dom u čaćvier viečaram.
Dva maleńkija čornyja miaški ź piaskom lažali na scenie, padtrymlivajučy telesuflor, jakim karystaŭsia Bajden i inšyja vystupoŭcy na cyrymonii ŭručeńnia dypłomaŭ.
«Ź im usio ŭ paradku», — napisaŭ paśla incydentu pradstaŭnik Biełaha doma Ben Łabołt u svaim tvitary.
Čym ciapier žyvie hierainia stylovaha fota z Maršu žančyn 2020-ha8
Kamientary