U noč pierad samahubstvam amierykanski miljarder Džefry Epštejn razmaŭlaŭ ź biełaruskaj
Pavodle krynic vydańnia i zapisaŭ knihi naviedvalnikaŭ turmy, dzie ŭtrymlivaŭsia abvinavačany ŭ piedafilii i seks-handli miljarder Džefry Epštejn, jaho samym apošnim i adzinym volnym naviedvalnikam, akramia advakataŭ, była biełaruska Karyna Šulak, u jakoj ź miljarderam było «vielmi surjoznaje kachańnie».
11 červienia vydańnie Daily Mail vykłała ekskluziŭ, jaki pralivaje śviatło na apošnija dni žyćcia znakamitaha amierykanskaha miljardera Džefry Epštejna, abvinavačanaha ŭ seks-handli ludźmi i piedafilii.
Pavodle infarmacyi vydańnia, u noč pierad samahubstvam Epštejna ŭ turmie ŭ žniŭni 2019 hoda toj vyhnaŭ usich svaich advakataŭ z pakoja dla naviedvańniaŭ, kab kanfidencyjna parazmaŭlać z uradženkaj Biełarusi Karynaj Šulak, u jakoj ź miljarderam byli «vielmi ciesnyja luboŭnyja suviazi».
Akramia hetaha, zychodziačy z zapisaŭ turemnaj knihi naviedvalnikaŭ, Šulak była apošnim i navat adzinym čałaviekam, chto, aproč advakataŭ Epštejna, bačyŭ taho asabista pierad jaho samahubstvam — niepasredna za 10 dzion da śmierci.
«Kachańnie Epštejna i Šulak było vielmi hłybokim, inakš jon u apošni dzień svajho žyćcia nie zahadaŭ by ŭsim svaim advakatam vyjści preč, kab patelefanavać joj. Pry hetym Šulak była pieršaj i apošniaj naviedvalnicaj Epštejna za ŭvieś čas jahonaha źniavoleńnia ŭ turmie. Niekatoryja znajomyja miljardera i jaho advakaty nie mohuć da hetaha času zrazumieć, čamu čałaviek biez prykmiet suicydalnych schilnaściaŭ vyrašaje paviesicca ŭžo na nastupny dzień paśla kanfidencyjnaj razmovy z hetaj biełaruskaj», — piša vydańnie Daily Mail sa spasyłkaj na krynicu, blizka znajomaj ź situacyjaj, i na bolš za 4 tysiačy staronak turemnaj dakumientacyi, źviazanaj z Epštejnam.
Pavodle infarmacyi vydańnia, sama Karyna Šulak źjechała ŭ ZŠA ź Biełarusi jašče ŭ 2009 hodzie, a zatym ustupiła ŭ fiktyŭny leśbijski šlub z Dženifier Kalin, adnoj z najbližejšych znajomych miljardera Džefry Epštejna, kab zastacca ŭ Złučanych Štatach.
Paśla hetaha ŭ 2013 hodzie Šulak razyšłasia z Kalin, kab ustupić u stasunki niepasredna z Epštejnam, jaki zdradžvaŭ biełaruscy bolš čym z 10 žančynami za ŭvieś pieryjad ich ramantyčnych stasunkaŭ da jaho samahubstva. U toj ža čas, jak paviedamlaje vydańnie, Epštejn apłačvaŭ navučańnie Šulak u Kałumbijskim univiersitecie, finansavaŭ dla jaje maci darahoje lačeńnie i vydzialaŭ hrošy na pražyvańnie siamji Šulak u raskošnym domie ŭ Minsku.
«Karyna Šulak pracuje stamatołaham, adnak jaje aficyjnaja rehistracyja dziŭnym čynam raspaŭsiudžvajecca adnačasova na niekalki amierykanskich štataŭ i na Virhinskija astravy. Admietna, što hetaja ŭradženka Biełarusi była daloka nie adzinym čałaviekam z Uschodniaj Jeŭropy, što znachodziŭsia ŭ blizkim kantakcie z Epštejnam. Jašče paśla svajho pieršaha vyzvaleńnia z turmy ŭ 2009 hodzie miljarder u svaim asiarodździ zavioŭ vielizarnuju kolkaść ludziej z Rasii i jaje susiedziaŭ z Uschodniaj Jeŭropy», — adznačaje Daily Mail.
Da hetaha času zastajecca nieviadomym, kolki dakładna hrošaj atrymała Šulak i jaje siamja paśla śmierci Džefry Epštiejna, adnak, pa infarmacyi krynic vydańnia, hetaja suma moža ličycca značnaj.
Čytajcie jašče:
Niamiecki miljarder, jaki piać hadoŭ tamu źnik u Alpach, znajšoŭsia ŭ Maskvie
U Rasii zatrymali sieryjnaha hvałtaŭnika, jaki amal 30 hadoŭ tamu zabiŭ i spaliŭ dziaŭčynu ŭ Minsku
Aryna Sabalenka: Ja nie padtrymlivaju vajnu, to-bok nie padtrymlivaju Łukašenku ciapier
-
«Zmahacca za svajo žyćcio kožny čortaŭ dzień». Amierykanski repier vahoj 220 kh vyjšaŭ na scenu z kisłarodnym bałonam FOTY
-
«U Hruzii niama zacemientavanaj aŭtarytarnaj dziaržavy z žorstkaj viertykallu». Biełarus raskazaŭ, u čym śpiecyfika hruzinskich pratestaŭ
-
Pa damoŭlenaści ź siryjskimi paŭstancami bajcy kurdskich Siryjskich demakratyčnych siłaŭ pakinuli rajon Alepa
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary