Rekłama maršruta 666 ad polskaj aŭtobusnaj kampanii PKS Gdynia, jaki zvyčajna kursiruje letam uzdoŭž Bałtyjskaha ŭźbiarežža. Fota: PKS Gdynia
Papularny aŭtobusny maršrut 666 da horada Chel na poŭnačy Polščy źmienić numar na 669 paśla doŭhich skarhaŭ relihijnych kansiervataraŭ u krainie, piša Bi-bi-si.
Maršrut 666, jaki nakiroŭvajecca da piasčanych plažaŭ na kurorcie Chel, atrymaŭ vialikuju papularnaść, u pryvatnaści, u anhłamoŭnych turystaŭ, bo na polskaj movie nazva horada pišacca Hel, što nahadvaje anhlijskaje słova hell — «piekła».
Tak jak Biblija vyznačaje 666 jak «ličbu źviera», polskija relihijnyja kansiervatary vyrašyli, što aŭtobusny maršrut «raspaŭsiudžvaje satanizm».
Paśla skarhaŭ aŭtobusnaja kampanija PKS Gdynia abviaściła: «My pieravierniem apošniuju ličbu 6 z noh na hałavu!»
Tłumačačy pryčynu źmieny, dyzajnier firmy Marcin Švačyk skazaŭ sajtu trojmiasto.pl, što ličba 669 «mienš sprečnaja».
Mnohija karystalniki sacsietak u krainie asudzili źmieny, zapłanavanyja na 24 červienia.
«Heta była suśvietnaja rekłama», — napisaŭ Kšyštaf Nadolski.
«Ja časta čytaŭ pra maršrut 666 u Cheli na zamiežnych sajtach abo ŭ hrupach u fejsbuku. Ja pierakanany, što byli turysty, jakija chutčej dajechali b ciahnikom, ale dziela zabavy sadzilisia na aŭtobus 666», — dadaŭ jon.
«Jaki moža być Chel biez 666», — pažartavaŭ David Jastržebski, a Kamil Hałčynski adznačyŭ, što heta «idealny prykład taho, jak nie treba zajmacca markietynham».
Inšy karystalnik pa imieni Robiert Eryk Voźniak napisaŭ: «Ja liču, što nastupnym krokam pavinna być źmiena nazvy horada Chel na inšuju, tamu što heta supiarečyć našym chryścijanskim polskim karaniam!»
Polšča — pieravažna rymska-katalickaja dziaržava, dzie Carkva tradycyjna maje vialiki ŭpłyŭ.
Na praciahu apošnich niekalkich hadoŭ relihijnyja kansiervatary ŭ krainie skardzilisia, što aŭtobusnaja kampanija PKS Gdynia «raspaŭsiudžvaje satanizm».
Maršrut 666 zvyčajna kursiruje letam uzdoŭž uźbiarežža Bałtyjskaha mora. Hety rehijon z kiłamietrami piasčanych plažaŭ — papularny turystyčny napramak.
Čytajcie taksama:
U Antvierpienie zapuścili «tramvaj-sad»
Borys Džonsan znajšoŭ sabie pracu. I hanarar prystojny, i praca pa pieršaj śpiecyjalnaści
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)
chmyk. nu jak skazać... 69 i ŭsio takie