Маршрут 666. У Польшчы мяняюць нумар аўтобуса з-за «распаўсюду сатанізму»
Маршрут 666, які накіроўваецца да пясчаных пляжаў на курорце Хэль на Балтыцы, атрымаў вялікую папулярнасць у англамоўных турыстаў — на польскай мове назва горада пішацца Hel, якое нагадвае англійскае слова hell — «пекла».
Папулярны аўтобусны маршрут 666 да горада Хэль на поўначы Польшчы зменіць нумар на 669 пасля доўгіх скаргаў рэлігійных кансерватараў у краіне, піша Бі-бі-сі.
Маршрут 666, які накіроўваецца да пясчаных пляжаў на курорце Хэль, атрымаў вялікую папулярнасць, у прыватнасці, у англамоўных турыстаў, бо на польскай мове назва горада пішацца Hel, што нагадвае англійскае слова hell — «пекла».
Так як Біблія вызначае 666 як «лічбу звера», польскія рэлігійныя кансерватары вырашылі, што аўтобусны маршрут «распаўсюджвае сатанізм».
Пасля скаргаў аўтобусная кампанія PKS Gdynia абвясціла: «Мы перавернем апошнюю лічбу 6 з ног на галаву!»
Тлумачачы прычыну змены, дызайнер фірмы Марцін Швачык сказаў сайту trojmiasto.pl, што лічба 669 «менш спрэчная».
Многія карыстальнікі сацсетак у краіне асудзілі змены, запланаваныя на 24 чэрвеня.
«Гэта была сусветная рэклама», — напісаў Кшыштаф Надольскі.
«Я часта чытаў пра маршрут 666 у Хэлі на замежных сайтах або ў групах у фэйсбуку. Я перакананы, што былі турысты, якія хутчэй даехалі б цягніком, але дзеля забавы садзіліся на аўтобус 666», — дадаў ён.
«Які можа быць Хэль без 666», — пажартаваў Давід Ястржэбскі, а Каміль Галчынскі адзначыў, што гэта «ідэальны прыклад таго, як не трэба займацца маркетынгам».
Іншы карыстальнік па імені Роберт Эрык Возняк напісаў: «Я лічу, што наступным крокам павінна быць змена назвы горада Хэль на іншую, таму што гэта супярэчыць нашым хрысціянскім польскім караням!»
Польшча — пераважна рымска-каталіцкая дзяржава, дзе Царква традыцыйна мае вялікі ўплыў.
На працягу апошніх некалькіх гадоў рэлігійныя кансерватары ў краіне скардзіліся, што аўтобусная кампанія PKS Gdynia «распаўсюджвае сатанізм».
Маршрут 666 звычайна курсіруе летам уздоўж узбярэжжа Балтыйскага мора. Гэты рэгіён з кіламетрамі пясчаных пляжаў — папулярны турыстычны напрамак.
КДБ актыўна вярбуе палітвязняў, вызваленых па памілаванні — праваабаронцы1
Каментары
Адсутная арыэнтацыя на прыбытак і канкурэнцыя, адпаведна калгасы і аўтапаркі дбаюць не пра найбольшае задавальненьне кліентаў коштам найменшых выдаткаў, а пра дагаджэньне начальніку ўва ўладнай вэртыкалі.
Маршруты нумаруюць ў аўтапарку хутчэй, каб казкі-справаздачы пра сацыяльныя функцыі ў вышэй пастаўленыя інстанцыі зручней выдумляць.
Але, напрыклад, назваць аўтобус (не маршрут) Харонан – прывабіла б кліента.