«Niekatoryja ličać, što heta halivudski film». Zialenski rastłumačyŭ, čamu ciažka idzie kontrnastup
Prezident Uładzimir Zialenski rastłumačyŭ, što adnoj z pryčyn zapavoleńnia nastupu Uzbrojenych sił źjaŭlajecca zaminiravanaja rasijskimi akupantami vialikaja terytoryja.
«Niekatoryja ličać, što heta halivudski film, i čakajuć vynikaŭ užo ciapier. Heta nie tak», — skazaŭ prezident Ukrainy.
Pavodle jaho, nastup dajecca nialohka, bo 200 000 kvadratnych kiłamietraŭ ukrainskaj terytoryi zaminiravana rasijskimi vojskami.
«Što b ni chacieli niekatoryja, uklučajučy sproby cisku na nas, z usioj pavahaj, my budziem prasoŭvacca na poli boju tak, jak ličym patrebnym», — padkreśliŭ Uładzimir Zialenski.
Pierad hetym sakratar RNBA Alaksiej Daniłaŭ zajaŭlaŭ, što adnym z hałoŭnych pryjarytetaŭ Sił abarony Ukrainy ciapier źjaŭlajecca pierš za ŭsio «artyleryjskaje abiaskroŭleńnie» rasijskich akupacyjnych vojskaŭ na pieradavoj.
U Pientahonie, kamientujučy chod nastupalnych apieracyj Ukrainy, ličać, što ŭkrainskija siły majuć nieabchodnyja srodki dla taho, kab ich dziejańni byli paśpiachovymi.
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść32
Kamientary