Minzdaroŭja: u Biełarusi aficyjna zarehistravana 179 vypadkaŭ «śvinoha» hrypu
U Biełarusi praciahvajecca źnižeńnie zachvorvańnia na vostryja reśpiratornyja virusnyja infiekcyi i hryp, paviedamlajuć u Ministerstvie achovy zdaroŭja.
U Biełarusi praciahvajecca źnižeńnie zachvorvańnia na vostryja reśpiratornyja virusnyja infiekcyi i hryp, paviedamlajuć u Ministerstvie achovy zdaroŭja.
Pavodle źviestak na 23 listapada, z 16 pa 22 listapada ŭ paraŭnańni z papiarednim tydniem kolkaść zvarotaŭ u miedycynskija ŭstanovy z pryčyny VRVI i hrypu źniziłasia na 38,2%, u tym liku ŭ Bresckaj vobłaści — na 12,4%, u Viciebskaj ‑‑ na 33,9%, u Homielskaj — na 47,7%, u Hrodzienskaj — na 39,7%, u Minsku — na 41,5%, u Minskaj vobłaści — na 35,9%, u Mahiloŭskaj vobłaści — na 33,4%.
U struktury chvorych pieravažajuć darosłyja, na ich dolu prypadaje 59,9%.
Nahadajem, što ŭ Biełarusi viadziecca štodzionny manitorynh etyałahičnaj struktury uzbudžalnikaŭ vostrych reśpiratornych virusnych infiekcyj. Usiaho łabaratorna paćvierdžana:
hryp A — u 22,3% vypadkaŭ, ź ich 179 vypadkaŭ zachvorvańnia pandemičnym hryp A/H1N1,
hryp B — u 3,3%. Na virusy parahrypu prychodzicca 8,2% vypadkaŭ, adenavirusy — 21%, RS‑virusy — 17,7%.
Z metaj praduchileńnia ŭłučeńnia ŭ epidemičny praces dziaciej vučoba prypynienaja ŭ 238 ustanovach adukacyi krainy. Zaniatki adnoŭlenyja ŭ bolš čym 2 tys. škoł.
Suprać siezonnaha hrypu pryščeplena 1 młn. 010 tys. 632 čałavieki. Heta na 35,9% bolš, čym u 2008 hodzie. Praciahvajecca vakcynacyja za košt asabistych srodkaŭ hramadzian, a taksama za košt srodkaŭ pradpryjemstvaŭ i miascovych biudžetaŭ.
Ciapier čytajuć
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ8
Kamientary