Za apošni tydzień dziaržaŭnaja hazieta apublikavała try razhromnyja materyjały.
Za apošni tydzień dziaržaŭnaja hazieta apublikavała try razhromnyja materyjały.
Artykuły «Biednaja bahataja Rasija», «Rasija «zabłytałasia» ŭ karupcyi» i «Rasijskaja milicyja nie ŭpisvajecca ŭ vobraz michałkoŭskaha «Dziadźki Ściopy» vyjšli ź intervałam u niekalki dzion 18‑ha, 19‑ha i 24‑ha listapada. Aŭtaram usich materyjałaŭ źjaŭlajecca niejki Ihar Ryhoraŭ.
U pieršym sa zhadanych artykułaŭ — «Biednaja bahataja Rasija» — apisvajecca toj žachlivy stan, u jakim apynulisia rasijanie paśla pačatku suśvietnaha finansavaha kryzisu. U pryvatnaści, pra rost biespracoŭja: «realnaja kolkaść biespracoŭnych moža skłaści kala 10 młn. čałaviek… Badaj, samaje niepryjemnaje ŭ hetaj situacyi toje, što prostyja rasijanie pakinutyja sam‑nasam z prablemaj pošuku pracy».
Apisańnie ekanamičnych prablem našaha ŭschodniaha susieda «Źviazda» dapaŭniaje materyjałami ab parušeńniach administracyjnaha i kryminalnaha zakanadaŭstva. U artykułach «Rasija «zabłytałasia» ŭ karupcyi» i «Rasijskaja milicyja nie ŭpisvajecca ŭ vobraz michałkoŭskaha «Dziadźki Ściopy» Ihar Ryhoraŭ piša pra «karupcyjny tupik», u jakim apynułasia siońniašniaja Rasija. Pryčym «Źviazda» u apošnim sa zhadanych artykułaŭ cytuje majora rasijskaj milicyi Dymoŭskaha, jaki, źniavieryŭšysia ŭ spraviadlivaści rasijskaj vykanaŭčaj ułady, skazaŭ: »Pucina ja bolš nie liču narmalnym mužykom».
Źviartaje ŭvahu nie sama padadzienaja «Źviazdoj» infarmacyja. Rasijskaja karupcyja i asablivaści haspadarčaha raźvićcia ni dla kaho nie źjaŭlajucca sakretam. Cikava toje, što hetyja artykuły źjavilisia ŭ kansiervatyŭnaj dziaržaŭnaj haziecie, što raniej vymušana prapahandavała intehracyju.
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu8
Kamientary