Stryječnaha brata pradstaŭnika pałka Kalinoŭskaha znoŭ sudziać
U sudzie Babrujskaha rajona i horada Babrujska 4 lipienia praciahniecca zakryty sud nad palitźniavolenym Siarhiejem Frančukom. Hetym razam jaho abvinavačvajuć u abrazie Alaksandra Łukašenki (č. 1 art. 368 Kryminalnaha kodeksa), jak piša «Viasna».
Novy sud nad Frančukom pačaŭsia jašče ŭ mai, adnak u pracesie byŭ abviaścili pierapynak da momantu razhladu jahonaj apielacyjnaj skarhi na papiaredni prysud. Pradkazalna, kasacyjnaja skarha Siarhieja, jakuju razhladali ŭ Viarchoŭnym sudzie, zastałasia biez zadavalnieńnia, a pryhavor Minskaha haradskoha suda ad 27 krasavika 2023 hoda — bieź źmien.
Novuju spravu razhladaje sudździa Volha Sierakova.
Siarhiej Frančuk — stryječny brat pradstaŭnika pałka Kastusia Kalinoŭskaha Vadzima Kabančuka. Siarhieja zatrymali 9 žniŭnia 2022 hoda. Viadoma, što jaho zabrali z kvatery baćkoŭ u Babrujsku, dzie mužčyna žyŭ apošnim časam. U hety dzień baćki Siarhieja byli na leciščy, i 5 čałaviek ź minskaha AMAPa ŭvarvałasia ŭ kvateru, udaryli jaho pistaletam pa hałavie, praviali pieratrus, zabrali mabilny telefon, noŭtbuk i samoha Siarhieja Frančuka.
Siarhiej Frančuk 27 krasavika byŭ asudžany Minskim haradskim sudom na try hady kałonii ahulnaha režymu pa šerahu pratesnych artykułaŭ.
Čarhovy sud budzie prachodzić u zakrytym režymie.
Što za «Sihma boj»? Hetaj virusnaj pieśniaj zaniepakoilisia ŭ Jeŭraparłamiencie13
Kamientary