U Biarozie cudam uratavali mužčynu, jaki apynuŭsia ŭ kałodziežy i trymaŭsia za łancuh
Jak paviedamlaje MNS, u subotu 15 červienia ŭ 15:30 ratavalnikam paviedamili pra toje, što ŭ kałodziežy ź pitnoj vadoj pa vulicy Paŭdniovaj u horadzie Biaroza znachodzicca čałaviek. Kryki ab dapamozie pačuŭ susied, jaki i źviarnuŭsia ŭ słužbu vyratavańnia. Da miesca vykliku apieratyŭna nakiravalisia padraździaleńni MNS.
![](http://nnexpictures.fra1.digitaloceanspaces.com/img/w732d4webp1/photos/z_2023_07/2_novyy-razmer-pgl51.jpg.webp)
Na ščaście dla mužčyny, jaki apynuŭsia ŭ kałodziežy, jaho kryki pačuŭ susied. Fota mchs.gov.by
Mužčyna, jaki klikaŭ na dapamohu, znachodziŭsia ŭ studni na hłybini 4-ch mietraŭ. Upioršysia nahami ŭ ścienki kałodzieža, jon trymaŭsia za łancuh.
Rabotniki MNS z dapamohaj pojasa ratavalnika, prymacavanaha da vyratavalnaj viaroŭki, dastali paciarpiełaha na pavierchniu i pieradali miedykam.
![](http://nnexpictures.fra1.digitaloceanspaces.com/img/w732d4webp1/photos/z_2023_07/1_novyy-razmer-ayybh.jpg.webp)
Kałodziež, u jakim apynuŭsia žychar Biarozy. Fota mchs.gov.by
Uratavanamu 64 hady, jaho dastavili ŭ balnicu. Jak jon apynuŭsia ŭ kałodziežy, nie ŭdakładniajecca.
Kamientary